Popular Bible Verses from Kolosianuri 2

Share

Kadia si, sar tume lian le Bares o Jesus Kristo, train ande jekh than lesa, si tume vuna ai zor ande leste, zuriarde katar o patiamos, sar dine tume te sikion, ai muken te del opral tumaro naisimos.

Len tume sama ke khonik te na keren anda tumende t'aven lesko katar vorbi xoxamne ai nange kai šibin tumen ai ninkeren-pe pe so šai keren le manuš, pe le putiaria kai si ande e lumia, ai na pe o Kristo.

Tume kai sanas mule ke kerdian bezexa ai ke či sanas šinde ande tumaro mas, vo andias tumen ande o traio pesa, kai jertisardias tumenge sa tumare lažiave; vo khoslias o užilimos ke ame kerdiam ai kai sas pe amende, ai vo phaglias les kai karfosardias les pe o trušul

Ke ande leste bešel ande lesko stato sa lesko lašimos le Devlesko. Tumen si tume sa ande leste, kai si o birevo pe sa le bare ai pe sa le putiaria kai porončin.

Ke khonik te na del tumen kris pala o xamos vai pala o pimos, vai pala jekh prasniko, pala jekh nevo šunuto, vai pala o sabato. Sas e ušialin katar so sas t'avel, numa o stato si ande o Kristo.