Popular Bible Verses from Zabbuli 37

Share

Essanyu lyo linoonyenga mu Mukama, Naye anaakuwanga omutima gwo bye gwegomba.

Olugendo lwo oluyiringisizenga ku Mukama; Era weesigenga oyo, naye anaakuyambanga.

Sirika eri Mukama, omulindirirenga n'okugumiikiriza. Teweeraliikiriranga abo abatuukiriza okukola ebibi, Na buli kye bakola nga kibagendera bulungi.

Weesigenga Mukama, okolenga obulungi, Beeranga mu nsi, ogobererenga obwesigwa.

Mukama aluŋŋamya omuntu mu kkubo ettuufu, Era akuuma abo abamusanyusa. Ne bwe bagwa tebalemera wansi, Kubanga Mukama abayamba okuyimuka.

Era anaayolesanga obutuukirivu bwo ng'omusana, N'oyaka ng'omusana ogw'ettuntu.

Lekanga obusungu, n'ekiruyi, Teweeraliikiriranga. Ebyo tebivaamu kalungi konna.

Nali muto, kaakano nkaddiye, Naye sirabanga mutuukirivu Mukama gwayabulira, Wadde abaana be nga basabiriza emmere.

Toggweebwangako mirembe olw'abo abakola obubi, So tokwatibwanga buggya olw'abo abakola ebitali bya butuukirivu.