Popular Bible Verses from Engero 23

Share

Kitaawe w'omutuukirivu anaasanyukanga nnyo: N'oyo azaala omwana ow'amagezi anaamwenyumiririzangamu.

Teweekooyanga ng'okolerera obugagga, Beeranga mugezi olemenga okwetawaanya ennyo.

Kubanga mazima empeera weeri; N'essuubi lyo teririmalibwawo.

Omutima gwo gulemenga okukwatirwa obuggya abalina ebibi: Naye obeerenga mu kutya Mukama okuzibya obudde

Tolekanga kubuulirira omwana: Kubanga okumukubako n'omuggo, tekijja kumutta.

Ssangayo omutima gwo eri okuyigirizibwa, N'amatu go eri ebigambo eby'okumanya.

Oneekalirizanga amaaso ku ekyo ekitaliiwo? Kubanga mazima obugagga bwefunira ebiwaawaatiro, Ng'empungu ne bubuuka mu bbanga.

Owuliranga kitaawo eyakuzaala, So tonyoomanga nnyoko ng'akaddiye.