Popular Bible Verses from Engero 22

Share

Manyiiza omwana omuto mu kkubo erimugwanira okutambuliramu, Awo newakubadde nga mukadde talirivaamu.

Obugagga n'ekitiibwa n'obulamu Ye mpeera ey'okwetoowazanga n'okutyanga Mukama.

Okulondawo erinnya eddungi, kusinga bugagga obungi. Okuganja n'okwagalibwa kusinga okuba ne ffeeza ne zaabu.

Tokwananga muntu wa busungu: Togendanga na muntu ow'ekiruyi

Alina eriiso erigabaagaba anaabanga n'omukisa; Kubanga awa omwavu ku mmere ye.

Omuntu omutegeevu alaba akabi nga kajja, n'akeewala; Naye abatalina magezi bagenda bugenzi ne bakagwamu.

Omugagga afuga abaavu, N'eyeewola aba muddu w'awola.

Omugagga n'omwavu balina ekibagatta, Ye Mukama, bonna eyabatonda.

Tonyaganga mwavu kubanga mwavu, Era tonyigirizanga mwavu awasalirwa omusango. Kubanga Mukama ye aliwoza ensonga yaabwe, Era abo ababanyaga alibanyagako obulamu.