Popular Bible Verses from Engero 13

Share

Otambulanga n'abantu ab'amagezi, naawe oliba n'amagezi: Naye akwana abasiru, wa kulaba nnaku.

Oyo eyeegendereza mu kwogera, akuuma obulamu bwe; Naye ayogerayogera ennyo, yeereetera okuzikirira.

Atabonereza mwana we, aba amukyaye; Naye oyo amwagala amukangavvula ebiro nga bikyali.

Okulwawo okufuna ky'osuubira, kulwaza ebirowoozo; Naye oyo afuna kye yeegomba addamu obulamu.

Obutuukirivu bukuuma oyo akwata ekkubo eggolokofu: Naye ebibi bisuula omwonoonyi.

Obugagga obufunibwa amangu, era buggwaawo mangu. Naye oyo akuŋŋaanya empolampola, ng'akola emirimu aligaggawala.

Amalala galeeta okuwakana okwereere: Naye amagezi gaba n'abo abakkiriza okubuulirirwa.

Omuntu omulungi alekera obusika abaana b'abaana be: N'obugagga bw'oyo alina ebibi buterekerwa omutuukirivu.

Omwana ow'amagezi awulira okuyigiriza kwa kitaawe: Naye omunyoomi tawulira kunenyezebwa.

Obwavu n'okuswala bijjira oyo agaana okubuulirirwa: Naye assaayo omwoyo okunenyezebwa, assibwamu ekitiibwa.