Popular Bible Verses from Makko 2

Share

Awo Yesu bwe yakiwulira n'abagamba nti, “Abalamu tebeetaaga musawo, wabula abalwadde. Sajja kuyita batuukirivu wabula abalina ebibi.”

Yesu bwe yalaba okukkiriza kwabwe n'agamba akoozimbye nti, “Mwana wange, ebibi byo bikusonyiyiddwa.”

N'abagamba nti, “Ssabbiiti yabaawo ku lwa muntu, so omuntu si ku lwa ssabbiiti.

Naye bwe baalemwa okumuyingiza olw'ekibiina, ne babikkula waggulu ku nnyumba we yali; ne bawummulawo ekituli ne bassa ekitanda akoozimbye kwe yali agalamidde.

Naye mumanye nga Omwana w'omuntu alina obuyinza ku nsi okusonyiwa ebibi,” n'agamba eyali akoozimbye nti, “Nkugamba, Golokoka, weetikke ekitanda kyo, oddeyo mu nnyumba yo.”

Ekyangu kye kiruwa, okugamba akoozimbye nti, Ebibi byo bikusonyiyiddwa oba okugamba nti, Golokoka, weetikke ekitanda kyo, otambule?

N'agolokoka, amangwago ne yeetikka ekitanda kye, n'afuluma nga bonna balaba. Awo bonna ne beewuunya ne bagulumiza Katonda nga bagamba nti, “Tetulabangako kintu bwe kiti.”