Popular Bible Verses from Isaaya 35

Share

n'aba Mukama abaagulibwa balikomawo, ne bajja e Sayuuni nga bayimba; n'essanyu eritaliggwaawo liribeera ku mitwe gyabwe; balifuna essanyu n'okujaguza, n'okunakuwala n'okusinda biriddukira ddala.

Munyweze emikono eminafu, mukakase n'amaviivi agajugumira. Mugambe abo abalina omutima omuti nti, “Mubeere n'amaanyi, temutya,” laba Katonda wammwe alijja n'okuwalana eggwanga, n'empeera ya Katonda; alijja n'abalokola.

Era eribaayo oluguudo, n'ekkubo, era liriyitibwa nti Kkubo lya butukuvu; abatali balongoofu tebaliriyitamu; naye liriba lya bali abatambuze, weewaawo abasirusiru, tebaliriwabiramu.

Awo amaaso g'omuzibe w'amaaso ne galyoka gazibuka, n'amatu g'omuggavu w'amatu galigguka.

Awo awenyera n'alyoka abuuka ng'ennangaazi, n'olulimi lwa kasiru luliyimba; kubanga amazzi galitiiriikira mu lukoola, n'emigga mu ddungu.