Popular Bible Verses from Isaaya 30

Share

Bwonakyamiranga ku mukono ogwa ddyo oba ku gwa kkono, amatu go galiwulira ekigambo ekikuvaako emabega nga kyogera nti, “Lino lye kkubo, litambuliremu.”

Era Mukama kyaliva alinda, abakwatirwe ekisa, era kyaliva agulumizibwa abasaasire, kubanga Mukama Katonda alaba ensonga; balina omukisa bonna abamulindirira.

Kubanga bw'atyo bw'ayogera Mukama Katonda, Omutukuvu owa Isiraeri nti, “Mu kudda ne mu kuwummula mwe mulirokokera; mu kutereera ne mu kwesiga mwe muliba amaanyi gammwe,” mmwe temufaayo

Era newakubadde nga Mukama ng'akuwa emmere ey'okulaba ennaku n'amazzi ag'okubonyaabonyezebwa, naye abayigiriza bo nga tebakyakwekebwa nate, naye amaaso go galiraba abayigiriza bo.

Mmwe abantu abali mu Sayuuni abatuula e Yerusaalemi, temuliddamu kukaaba. Alikukwatirwa ekisa bw'olimukaabirira, bwaliwulira eddoboozi ery'oku kaaba kwo, alikwanukula.

Zibasanze abaana abajeemu, bw'ayogera Mukama, abakola enteekateeka, naye nga si zange; Ne batta omukago naye nga si mu mwoyo gwange, balyoke bongere ekibi ku kibi