Popular Bible Verses from Okuva 7

Share

Mukama n'agamba Musa nti, “Laba, nkufudde nga Katonda eri Falaawo; era Alooni muganda wo alibeera nnabbi wo.

Nange ndikakanyaza omutima gwa Falaawo, ne nnyongera obubonero n'okukola eby'amagero mu nsi y'e Misiri. Naye Falaawo talibawuliriza, nange ndikozesa amaanyi, ne nzigya abantu bange, abaana ba Isiraeri mu Misiri, nga maze okugibonereza ennyo.

Kale Abamisiri balimanya nga nze Mukama, bwe ndikozesa obuyinza bwange okubonereza Misiri ne nzigyayo abaana ba Isiraeri.”

Falaawo naye n'alyoka ayita abagezigezi n'abalogo Abamisiri; era nabo ne bakola bwe batyo n'amagezi gaabwe ag'ekyama. Ne basuula emiggo gyabwe wansi ne gifuuka emisota; naye omuggo gwa Alooni ne gumira emiggo gyabwe.

Bw'atyo Mukama bw'ayogera nti, “Ku kino kw'olimanyira nga nze Mukama: ndikuba amazzi agali mu mugga n'omuggo oguli mu mukono gwange, nago galifuuka omusaayi.

“Falaawo bw'alibagamba nti, ‘Mukoleewo eky'amagero;’ awo n'olyoka ogamba Alooni nti, ‘Ddira omuggo gwo ogusuule wansi mu maaso ga Falaawo, gufuuke omusota.’ ” Musa ne Alooni ne bayingira ewa Falaawo, ne bakola nga Mukama bwe yalagira. Alooni n'asuula omuggo gwe wansi mu maaso ga Falaawo ne mu maaso g'abaddu be, ne gufuuka omusota.