Popular Bible Verses from Omubuulizi 4

Share

Babiri basinga omu; kubanga baba n'empeera ennungi olw'okutegana kwabwe. Kubanga bwe bagwa omu aliyimusa munne; naye zimusanze oyo ali yekka bw'agwa, so nga talina munne amuyimusa.

Era newakubadde omuntu asobola okusinga oyo ali yekka, naye ababiri be bamusobola. Omugwa ogw'emiyondo esatu tegutera kukutuka.

Nate babiri bwe bagalamirira awamu, lwe babuguma; naye omu ayinza atya okubuguma bw'aba yekka?

Olubatu olumu wamu n'okutereera lusinga embatu ebbiri wamu n'okutegana n'okugoberera empewo.

Awo ne ndyoka ndaba okutegana kwonna na buli mulimu ogw'amagezi, ng'olwekyo omuntu kyava amukwatirwa munne obuggya. Era n'ekyo butaliimu na kugoberera mpewo.

Omulenzi omwavu omugezigezi asinga kabaka omukadde omusirusiru atakyagala kubuulirirwa.