Popular Bible Verses from Proverbs 19

Share

Iñuich sivunniuġniaġaluaqtut uumatimigñiñ qanusiḷimaanik, aglaan Atanġum pisuutaa nalautinniaqtuq.

Aitchuiguvich piiḷḷiuqtuamun, atukkitchiruatun Ataniġmun ittuq, aasii Atanġum utiqtitchiñiaġaatin.

Isumatuguvich piavsaktayuiññiaqtutin. Iñuum aŋalamaqłukpatin, ilvich piḷġusiġiksutin suliqutigiŋitkupku.

Naalaġnigupkich siḷġiqsuutauruat suli iḷitchiyummatiqaġlutin, uvlut iḷaŋanni isumatusiñiaqtutin.

Qiksiksrautiqaġniq Ataniġmun apqutauruq iñuggunmun, tutqiutiqaġniaqtutin anayanniuŋiḷḷutillu.

Iliŋnun ikayuġukkuvich iḷisaġiñ pisuqtilaaqtun; itqaumalugich iḷisaapayaatin aasii piḷḷuataġniaqtutin.

Iḷisautikkich iluaqtuakun miqłiqtutin iḷitchiḷḷaŋŋaisa. Iḷisautiŋitkupki, ikayuutaurutin inmignun maqunniŋannun.

Kiñaliqaa sagluuqtuaq uqaqsitaaġvigmi tatavsaunmiñ qimagviksraitchuq; suksraunġiqsauruq.