Popular Bible Verses from Exodus 32

Share

Iñuich iḷitchuġikamirruŋ Moses atqakallaŋisilaaŋanik iġġimiñ, Aaron avałługu uqautiŋagaat, “Uvvauvagut nalurugut imma iñuk Moses sutilaaŋanik, aullarrikput Egypt-miñ; god-iliuqsigut aullarriksraptinnik.”

Ataniq uqallaktuq Moses-mun, “Qilamiqsruġlutin atqatqigiñ, qanukkii iñuktin, aullatiŋaratin Egypt-miñ, piḷuusiqirut suli ayyakłuŋa. Unisanikkaat apqun piraksriutigiraġa maliġitquvlugu; aŋusallumik nuġġaliuŋarut auktitamiñ kaviqsuamiñ manigmiñ suli nanġaqługu aitchuivigivlugulu ikipkautinik. Uqaqtut tavragguuq iliŋisa god-iŋat, aullarrigiŋaraŋat Egypt-miñ.

Tavraasii Aaron nappaiŋaruq ikipkaivigmik sivuġaanun aŋusallum nuġġaliam aasii uqaqhuni, “Uvlaaku niqinaqiniaqtut qutchiksiḷiqsaġlugu Ataniq.” Uvlaatchaurami uvlaakumman qaġġirriŋarut niġrutinik ikipkautiksranik suli allanik niqiksranik iḷammiuġnikun aitchuutiksranik. Iñuich aquptaaŋarut niqinaqisaqhutiŋ, piuqłaanġipiaġataŋarut aglaan imiqhutiŋ.

Uvlaakumman Moses-gum uqautigai iñuich, “Savaŋarusi piaġiitchuamik piḷuunmik. Aglaan uvva mayuvsaaġniaqtuŋa iġġimun Ataniġmun; suagguuq suliqutigiŋaiḷḷaniaġaa piḷuusiqiaqsi.”