Popular Bible Verses from Exodus 16

Share

uqallautivlugik, “Tuqunŋalisigut imma Atanġum Egypt-mi. Taavani uvva aquviłłuta niqipiaqtuġuuruaguut qanutupayaaġlu allanik niqinik niġisuktaptignik. Aglaan uvva qaġġisiŋagiptigut mauŋa nunagluktuamun paniġluta iluqata tuqutquvluta.” Aasii tavra Atanġum uqallautigaa Moses, “Uvvahii sialuktinniaġiga niqiksravsiññik qiḷagmiñ. Iñuich uvlutuaqpan aniḷutiŋ katiqsriruksraurut naamaniaqtuanik taaptumani uvlumi. Iḷitchuġisaġniaqtuŋa kamaksriñiaqtilaaŋiññik piraksriutimnik.

Tamaani aasii uvva nunagluktuami uqaviḷuutiŋagaik Moses-lu Aaron-lu

Tavraasii Moses uqallaktuq, “Atanġum niqipiaksriññiaġaasi niqiksravsiññik anaqami, aasii iḷaŋaniñ punniġnik uvlaami, atakkii tusaaŋagai uqaviḷuutisi akiḷḷiqsruqługu ilaa. Uqaviḷuutikavsiguk, tavra uqaviḷuutigiksi ilaa akiḷḷiqsruqługu Ataniq.”

“Tusaaŋagitka uqaviḷuutiŋich Israel-gum kiŋuvaaŋisa. Uqallautisigiŋ tanuġaaksikpan niqipiaksranigniaqtut, aasii uvlaami punniksraqaġniaġmiut iḷaŋaniñ. Samma iḷitchuġilluataġniaqtusi uvaŋa, Ataniq, God-igitilaamnik ilivsiññun.”