Popular Bible Verses from Exodus 15

Share

Uqallaktuq, “Uvaŋa Ataniq God-iksi, kamagituiññaġuvsiñŋa iluqaanik kamagilugu iłuaġiraġa suli kamagilugich pitqutitka, tatavsaġniaŋitkivsi naŋirrutinik Egypt-miutun. Uvaŋa Atanġuruŋa, iłuaqsiriksi naŋirrunmiñ.”

Ataniq suaŋaruaq ikayuqtigigiga; ilaata annautiŋagaaŋa. Ilaa God-iga, nanġaġniaġiga, aapagma God-iŋa, aasii atuġniaqtuŋa ilaata kamanautaagun.

“Ataniiq, akunġanni god-auruat kiña iliktun itpa? Kiñaimña iliktun itpa, aliuġnaqtuaq salumaniġmiñi? Kiña savallava aliuġnaqtuanik suli kamanaqtuanik savaanik iliktun?

Iḷumutuuqłutin unniqsuqłiisigni, aullatigitin iñuich annautiŋaratin; suaŋŋatikkun aullatigitin salumaruamun nunamun.

Tavra tikiñŋarut inimun atiqaqtuamik Marah-mik, aglaan imiq tavraniittuaq kimnaqpaił̣ł̣uni imiġumiñaiñŋaniġaat. Tainnamik atiqaqtuq Marah-mik. Iñuich uqaviḷurraqsiŋarut Moses-mun aasii suli apiqsrivḷutiŋ, “Sumik imña imiġniaġniqpisa?” Moses qiññuaqtuġvigigaa Ataniq, aasii Atanġum tautuktitkaa qiruk. Moses-gum miḷuqsautigaa immamun; aasii tavra imaq imiġnaqsiŋaruq. Tavrani Atanġum aitchuŋagaich pitquranik maliġuagaksraŋiññik, suli tavrani ilaata uuktuŋagaich maliġuaġniaġmagaisa pitqurat.