Popular Bible Verses from Exodus 12

Share

“Taaptumani unnuami Egypt nunaŋaguaġniaqtuŋa, tuquttaġlugich aŋayukłipayaat aŋutauruat, aŋusalluŋiḷḷu niġrutit, tatavsaġlugiḷḷu iluqaisa god-iŋich Egypt-gum. Uvaŋa Atanġuruŋa. Augich upkuavsi avatiŋiñiittuat nalunaiñŋutauniaqtut iglunun iñuuvigiravsiññun. Tautukkupku auk, qulaunniaġivsi suli pimaqłuŋiḷḷusi tatavsaġupkich Egypt-miuguruat.

Itqautiqallaaruksraurusi ukiutuaqpan taaptumani uvlumi niqinaqivigilugu, itqautausaġlugu ilivsiññun, uvaŋa Atanġuruaq, qanuq savaŋatilaamnik. Quviasuutikun itqautigilugu taimuŋa.”

Miqłiqtuvsi apiġikpasi, ‘Sumik una taamna sivuniqaqpa?’ Kiuniaġisi, ‘Itqautauruq Qulaurrusiqiniġmun qanukkii Atanġum qulaunŋagaich igluŋich Israel-gum kiŋuvaaŋich Egypt-mi. Tuqunŋagaich aŋayukłiich aŋutit Egypt-miut qitunġaġiiḷḷaani, aglaan aksiŋaitkaatigut uvagut Israel-guruaguut.’” Tavraasii, Israel-gum kiŋuvaaŋich punŋarut nanġaivḷutiŋ.