Popular Bible Verses from Ibrani 13

Share

Baku mangaꞌa doi-dhari. Te ngaa miu hudꞌi mamuri nèti ngaa dhu miu abhu, te èèna dꞌai le. Ama Lamatua dhu peka le, na, “Jaꞌa bhèlu boe miu. Jaꞌa soro tèke boe miu.”

Yesus Kristus ubꞌa nèdhi boe. Nèti uru, doe neꞌe, toke dꞌai mia-mia laꞌe, Nèngu hali boe.

De paꞌèra dꞌara miu, nuka sèmi dhu ra suri, na, “Lula Lamatua jaꞌa neo soru-bara jaꞌa, nèti èèna ka, jaꞌa madhaꞌu boe. Te abhu boe ca dhèu sa hèi, dhu bisa cèri eele jaꞌa nèti Ama Lamatua.”

Aa mage bhèlu tao jꞌara beꞌa hia dhèu leo. Ladhe ra parluu ngaa, lami soru-bara si. Te sèra sa, jꞌajꞌi nuka sèmi mèdha persembahan dhu pakarejꞌe dꞌara Ama Lamatua.

Lula Yesus jꞌajꞌi le korban pala èdhi, nèti èèna ka èdhi parluu heka tèti badha korban asa Ama Lamatua. Te ngaa abhu mèdha korban dhu leo era, dhu èdhi hudꞌi tèti ku hia Ne, nuka, koa-kio dhu dedꞌe padedha-dedha kolongara Na.

Paleo èmu èèna, mola-mèci. Te ngaa mage paleo èmu dhu mola-mèci ne, jꞌajꞌi mi kajꞌalu. Te tatu Ama Lamatua huku dhèu aaꞌi-aaꞌi dhu tao jꞌara makae dènge dhèu èmu nèngu boe.

Baku bhèlu bhoke dꞌara sèna ka sèmi mere dhèu dhu miu tadhe boe asa dꞌara èmu mi. Te abhu pèri-pèri aꞌari dhu sèmi rare dhèu, te ngaa reꞌa boe, na, dhèu sèra, ana pajuu Ama Lamatua nèti sorga.

Ama Lamatua ka dhu pamau dꞌara èdhi. Jaꞌa manèngi sèna ka Na soru-bara miu, ho miu bisa madhutu aaꞌi dadꞌèi Na. Jaꞌa manèngi kahèi, ho Na soru-bara èdhi aaꞌi-aaꞌi ti, sèna ka teꞌa pakarejꞌe dꞌara Na. Te Ama Lamatua pake le raa Yesus Kristus dhu suti èèna, sèna ka paꞌèki lii pajaji hiu dènge èdhi. Lii pajaji ne jꞌajꞌi taruu toke dꞌai mia-mia. Ka Ama Lamatua pamamuri hari Kètu èdhi, Yesus Kristus. De Yesus ka dhu ladhe-leru èdhi limuri ne, nuka sèmi dhèu madhenga badha dhu beꞌa risi. Nèti èèna ka, èdhi dedꞌe kolongara Na padedha-dedha, aa koa-kio Ne taa-taa! Èèna ka dhu lèke.