Popular Bible Verses from 1 Tesalonika 1

Share

Jiꞌi loe boe manèngi makasi mi Ama Lamatua, lula parcaya miu. Mèu-mèda jiꞌi sabajꞌa hia miu aaꞌi-aaꞌi mi. Jiꞌi sanèdꞌe sasabꞌa dhu miu sabꞌa, lula miu parcaya Ama Lamatua, aa sue Ne. Miu loe boe nèti jꞌara èèna, lula era sarai miu ka Lamatua Yesus. Jiꞌi loe boe kahèi ngèti jꞌara seꞌe aaꞌi-aaꞌi asa katanga madha Ama Lamatua.

Lula miu pamaꞌète mere le ho madhutu dadꞌèi Lamatua, nèti èèna ka miu mamuri madhutu tatao jiꞌi, aa madhutu jꞌara mamuri Lamatua Yesus kahèi. Te ngaa lodꞌo miu heka sèmi mere Lii Lolo Beꞌa èèna, abhu dhèu dhu pasusa miu. Masi ka sèmi èèna, te ngaa dꞌara miu kalau boe-karèto boe, lula Roh Lamatua dhu Mola-Mèci pakarejꞌe dꞌara miu.