Popular Bible Verses from Marke 10

Share

Kani Po vanacieo hín mì vana tosal ndu baala le, kɛ le vannda baalaa tosallo, a le yoomu ndɔɔ yɔngoo le vanaa bɔɔ-bɔɔ baŋaa.»

Mí Yeesu tofa nda, mó dimi aa: «Vanndacieea nɔla ken tosa le, kɛ i co lende a Hala le, kani ɲɛ-ɲɛ kindu a ndu Hala le.»

O kon mí Yeesu dimul ndu aa: «Kɔnnun. Laalan nɔmndo cii nɔm singi.» Fɔ́ɔ́fɔ̀, mó ca maa paandu, mó bii kɔlan Yeesu kɔɔli o nɛi.

Lelan, vanacieo bɛnda mò siɛi ɲɛ Hala mɔɔsa-o le.»

Mí Yeesu tofa ndu a kaolaa, mó dimul ndu aa: «Ɲɛ pilɛ lo vɔ nɔm le tosaa: Kɔ, mà pisi ɲɛm n nɔ-on kpede, mà ke vanaa bala fondoa, o kon a sɔlanin bolofaa o halataala. O kon kɔɔli a hin niko, a del-la kɔɔli.»

Mí Yeesu ɲuna ndu aa: «Yɛɛ n yeema yɛ mì tosal nɔm?» Mí vana sumɛiyo dimul ndu aa: «Vana bɛndoo, tosa mì ce vɛlɛ maa paandu.»

Kɛ o co lende le i co niaa tɛɛn te. Vana-vana yeema pɛ le vaa vana bɛndoo niaa tɛɛn, ndu bɛnda mò siŋnun buɛi niaa.

I co niaa toɲaa dimul, vana-vana cɛl masale Hala len maa cuaambɔ pɔmbɔɔ le, ndu luei lenin te few.»

Vanaa tasea bɔɔ-bɔɔ a siŋnunnin vanaa mɛɛlaa, mì vanaa mɛɛlaa bɔɔ-bɔɔ a siŋnun vanaa tasea.»

Kɛ o ceendo cɔwnɔn-ndo, vanapɔnɔɔ nda vanalanɔɔ Hala toosiaa ni. Lelan vanapɔnɔɔ faŋannin fuɲa ndɔ a kala ndɔ, mò holnun laa ndɔ, mì vanaa ŋiɔŋaa kan cal o nɔ̀u nin, mà siŋnun dialle ndii pilɛ. O kon a co lɛ falun miuun te, kɛ ndii pilɛ.