Popular Bible Verses from Matie 7

Share

«La piɛi, a kenin niaa. La nuwviaa, la saalunnin. La lɔɔ dioo, a kumbilnin niaa.

Kani vana-vana piɛi pɛ, ndu sɔla. Vana nuwviaa pɛ, ndu saalun. Nduyɛ vana lɔaa dioo-o nda kumbil ni.

«Lelan, vana-vana tuei pɛ sɔɔn nun mun, mò kela lecoo, ndu vanin maa vana taasi tangul cɛi ndɔɔ o pow bandíláà coo-o.

Ɲɛ-ɲɛ niaa yeema pɛ mì caanda tosal niaa, mɛɛ niaa bɛɛ la tosal nda lende, kani lende tɔŋndo a vanaa-tɛɛngaa-diom Hala-a dimi ni.»

Kɛ dio sɔɔkɛɲɛɛo, nɛile piondonnde kɔlan la kendu coo len, ɲɛm mun yaa vana o cinda fɛɛn-fɛɛndo nin ni. Vanaa saalun lan-nda co sɛ́lɛ́ le.»

«La luɛi o dio sɔɔkɛɲɛɛo! Kani dio tongu taw-vo, nɛi kela kindu coo loo, ndu yaa vana o ɲánndávàà ni. Nduyɛ, vanaa bɔɔ-bɔɔ a co luɛyɔɔ o dio kon.

Niaa vanaa vɔɔnda ha, te niaa sinà pɛ le cuavaa niaa ɲɛm kɛndɔn keo, vɛ̀ɛ̀ Fuɲa niaa co o halataala-o ndu kɛɛ yɛnin le vanaa ɲunanin ndu-a ɲɛm kɛndɔn keo?

«La kialu yamɛi vana le, haliko vana kialu yamɛi niaa le. Kani yamɛi niaa co caanda kilullo-e kilulunnin niaa ni. A ɲɛ niaa co tuuvo nda tuunin niaa ni.

Kɛ vana tuei pɛ sɔɔn nun mun, mò kela lecoo le, ndu vialnin vana pe lebol too, o tangul cɛi ndɔɔ o siòòndon coo-o.

Le yɛɛ n co yɛ bilte co puapilɛ nɔmndo o hɔl-ten tofaa, a dow yɔm ipɛngɛ co nɔm pila o lehɔl-lo taasi le? Te kon te, vɛ̀ɛ́ n dimul-lɛnin puapilɛ nɔmndo aa: ‹Mɛi-yɔ i soli nɔm bilte co nɔm o hɔl-ten›, te yɔm ipɛngɔɔ co pɛ nɔm pila o lehɔl?

«La mandan a vanaa-tɛɛngaa-diom Hala-a lacòòvaa. A co hunɔɔ o niaa lo maa n'saa, kɛ lenin ndaa tunaa yondoa vɔɔn-vɔɔnda nda co ni. O komɔɔ ndaa niaa sinanin nda ni. Vɛ̀ɛ̀ vana kiandu pá rɛsɛnndon o yɔm n'yɔɔ, te kon te vooson o siɛmbullo?

Yɔm oo yɔm co yɔm kɛndɔɔ, kulun kɛndɔn o koam ni. Kɛ yɔm co a naa-o, kulun vɔɔnndon ndu koam ni.

Yɔm kɛndɔɔ kum kulun vɔɔnndon te, yɔm co a naa-o bɛɛ kum kulun kɛndɔn te.

Yɔm oo yɔm kum kulun kɛndɛ le, a kelu ndu, a viow ndu o yin.