Popular Bible Verses from Matie 5

Share

Vana mɛndul fitinaa le ndu kumbɔɔ le, kɛ le ndu kɛsio o ɲɛ kɛsiaa lafitinaa coo, haliko mo teengiaa cɛiyo lenin le vanaa co lenin-nda kpow. Ɲɛ-tengaa niaa bɛnda mò tenga lende vannda o hɔl, haliko ma ce dɛnnda niaala kɛndɛlan, o kon mà biilu fuɲa niaa co o halataala-o.»

Ɲɛ-tengaa ceendo niaa co ni. Kobi co o pembei coo-o nɔla vionnɔnndo le.

Dɛnɛ kɛndɔɔ co le vanaa dendu kɔltan-nda, kani a canin Hala.

Dɛnɛ kɛndɔɔ co le vanaa yeemɛi bii le dɛnɛ sandaa mɛɛ yiaan a kolɔɔ bii vana nuaa yɛ-a, kani a pumnin.

Kɛ ya, i co niaa dimul: la kaola yaamɔaa niaa, la piɛi Hala le vanaa co niaa saangiaa a niaa yɛlen tollo-a.

«Dɛnɛ kɛndɔɔ co le vanaa tuisin tootoo o kɔlta ndalan nin-nda, kani masale halataala len le co le nda.

Dɛnɛ kɛndɔɔ co le vanaa yɔngu kɔlɲuloo-a, kani a sɔlanin veeloo aa cuavaa Hala-a.

Dɛnɛ kɛndɔɔ co le vanaa co caŋndo-a, kani a sɔlanin ɲɔɔloo.

Dɛnɛ kɛndɔɔ co le vanaa nda co yɛlen tollo le dɛnɛ sandaa-a, kani masale halataala len le co le nda.

Dɛnɛ kɛndɔɔ co le vanaa tuinun vannda iɲíí-a, kani a sɔlanin ɲííye tuinɔnndo.

Dɛnɛ kɛndɔɔ vanin le niaa, telen nda yeownin niaa, mà tol niaa yɛlen, mà hɛɛnduu niaa sɔɔn vɔɔŋun súú-súù ka coo le ya-o. La naŋ kɔl mì la dɔwnun ɲaale, kani vɔ̀ngɔ̀ niaa vanin o bɔɔ o halataala. Kani lende nda tol vanaa-tɛɛngaa-diom Hala-a hiow niaa laci-a yɛlen ni.»

Dɛnɛ kɛndɔɔ co le vanaa vi kɔltan-nda, kani a sɔlanin lɛŋnden kɛ́ɔ.

«Hɛlle niaa co o lɛŋnden coo ni. Kɛ te yeelaa fula pɛ hɛlle, vɛ̀ɛ̀ vana mingi yɛ ndi yeeliaa? I niŋ ndɛ le ɲɛ-ɲɛ le, fɔ le ndi viovɔɔ o bɛ́ɛ̀, mì vannda nɛw ndi.

Lelan, niaa la peelun mɛɛ fuɲa niaa co o halataala-o peelun yɛ.»

Sɔɛi niaa cɛl pɛ aa ‹Oi› ndi lo lende, i niaa dimi pɛ aa ‹Ɛ-ɛ› ndi lo vɛlɛ lende. I kɛ́-kɛ̀ vana handu nin pɛ o kon kɔɔli, Vana vɔɔndo o ba ken fula ni.»

«La tuei maa mí ndíì dimin aa: ‹Te vanndo pɛl pɛ vanndo hɔlten, ndu bɛɛ a piɔl ndu hɔlten. Te vanndo bɛŋi pɛ vanndo ciŋnde, ndu bɛɛ a bɛŋi ndu ciŋnde.› Kɛ ya, i co niaa dimul: la simul vanaa kɔlvesɛiya le. Te vanndo lɔɔ pɛ nɔm kpaŋii ba kɛndɛi, mulul ndu vɛlɛ kpaŋnde pilɛi.

Te hɔlte nɔmnde ba kɛndɛlen le co tosa ni ma del o pɔwlan nin, mɛɛ kala len, ma viow len polon. Kani o co fisa mi dialii nɔmnde ndii pilɛ i tambu a nɔm pila kpow viownɔnndo o ɲánndávàà. Te ba kɛndɛ nɔmndo co tosa ni ma del o pɔwlan nin, mɛɛ kiolu ndu, ma viow ndu polon. Kani o co fisa mi dialii nɔmnde ndii pilɛ i tambu, a nɔm pila kpow kɔlan o ɲánndávàà.»