Popular Bible Verses from Matie 27

Share

Lɛɛlɛ yàándɔɔ kandɔɔ le tiiyaa, mí Yeesu deŋi coocoo kpélén aa: «Elii, Elii, lema sabatani?» Kon co dimio ni aa: «Hala nuu, Hala nuu, le yɛɛ nɛ n kɛɛ yɛ ya?»

O telen kon, mí kola landaa va o Cɛi-Hala-o nin-ndo can a tɛndaa coocoo háá mó tiiya lebɛngu di, mí lɛŋnden le ɲiiya, mí powtan la tɛɛndiaa, mí sɛilan la kumbin, mí vanaa laalaŋaa bɔɔ-bɔɔ ndáà vi nin-nda muungu yoomu.

Mí Yeesu deŋi vɛlɛ kpélén, o kon mó malnun kɔl.

Simlacinɔ vanaa cɔwva a vanaa va ndu ikɛi le Yeesu cumullo-a cɔu lɛŋnden ɲiiyaa, má ca vɛlɛ dɛnnda yɔŋnun-ndan kpow, mí siòònde bii nda taw. Má dimi aa: «Po Hala-o lekɛ́ndɛi o va ni.»

Kandɔɔ a paalen o pol háá tiiya a lɛɛlɛ yàándɔɔ a paale yɔngannden, mí ɲumma bɛnduan ma toal o lɛŋnden kpow coo.

Mó ɲuna nda aa: «Mí vɛ̀ɛ̀ ya yɔŋ yɛ a Yeesu nda veelu hoo aa Krista-o?» Mí nda kpow muli aa: «Baŋ ndu o yɔm singafilaa coo!» Mí masa ibungaa ɲuna nda aa: «Dɛnɛ vɔɔn yɛɛ o tosa yɛ?» Kɛ má cɔɔlu deŋi coocoo kpélén aa: «Baŋ ndu o yɔm singafilaa coo!»