Popular Bible Verses from Tɔŋ lasálàá 26

Share

I vanin kelaa niaa tɛɛn, i vanin Hala niaa, mì niaa va vanaa nia.

i yɔngunin piɔɔ a telen niaa bɛnda le sɔlaa-o. O kon, lɛŋnden le nɛŋi ɲɛm saŋnun lecoo-on, mì tɔlɔɔla iyɔmndan le kom kɔmnden pila.

«Te la bii pɛ tɔŋnda nilan, te la tuei pɛ silala nilan mì kela lecoo

I lueinin kɔlɲuloo o lɛŋnden nin. La hini pɛ, ɲɛ-ɲɛ kpeeŋiaanin niaa le. I ciinin visia biyaa o lɛŋnden nin, a vɛlɛ cɔwvo luei lɛnin o lɛŋnde niaalen nin te.

I mululnin niaa hɔlla, mì nɛŋi niaa ipulu, mì kui niaa, mì simi kpema nuu yili a niaa.

Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, haliko la va cɛa Esiptea le. Ya yem yɔm kpòndò lecɛ ndáà handu niaa coo-o ni, mì la va kelaa a bolle iheelaa tema.»

I kɛsinin calta nilan niaa tɛɛn, i nɔnin nɛyɔn niaa le.

«La cównùn halaa fondoa le, le sélnùn piɔmnda le, la tosa pow sálà le, la kɛ́sì powtan o lɛŋnde niaalen nin, mì la kɛɛmiaa lan le lan sooloo le. Ya co Mɛlɛka ni, Hala niaa pɛɛn.

Ɲɛm niaa koawnin-ndon vanin niaa o ba taw-taw, mì la va mun dioo. La solinin n'paandon o kondalan nin le n'sɛnɛiyon lueiyo lon.

Vanaa ŋuɛɛnu niaa tɛɛn a toawnin yaamɔaa niaa kɛmɛ. N'van kɛmɛ niaa tɛɛn a toawnin yaamɔaa niaa vaalan tɔ́. Yaamɔaa niaa kan a delinin niaa laci o mɔɔn cɔwvon bɛngu.

O niaa lo, la lonin malun niaan lɔɔ haa mì tuma kiandaa n'rɛsɛnndo tiiya, la lonin rɛsɛŋun niaan lɔɔ mì tuma lavayia tiiya. Baloo kuinin niaa o ba taw-taw, la calnunnin nila ɲulu o lɛŋnde niaalen nin.

La toawnin yaamɔaa niaa, mì la mɛli nda a mɔɔn cɔwvon.

La bii palɛi nii pɛngiɛi, mì le ke cɛi ni diandaa bɛɛlen. Ya co Mɛlɛka ni.»