Popular Bible Verses from Nsaki 3

Share

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.

Nɛ̀ɛ́-nɛ̀ co yɛ vana kɔlkaloo a vana sinaa dɛnɔɔ o niaa tɛɛn? Vana kon bɛnda mò cɔm o kela ndɔ kɛndɔɔ nin maa dɛnnda ndɔlan la fula o tuisinndo nin a o kɔlkaloo nin.

Kɔmnde dɛnɛ sandaa le saŋnun o kɔlɲuloo nin, vanaa yeema kɔlɲuloo-a saŋ-nden ni.

Kani nɛɛ paŋalaa a sɛɛngianndan la co-a, lon koni dɛnɛ laasiɛiyo a dɛnnda vɔɔnnda súú-súù ka la co vɛlɛ ni.

A len naa n mel Mɛlɛka Fuɲaa balika ni, a len koni naa n mɛɛniaa vɛlɛ vanndacieea cɔwnun a velan Hala-o-a ni. O sondo pilɔɔ nin duaalan a mɛɛniaalan la co fulaa ni. Puapilɛa nia, o bɛnda mò tosan lende le.

Nduyɛ, diɛɛmulen bɛɛ yinnden le co ni. Ceen dɛnɛ sandaa lepɛŋndo le co o dialun naan nin ni. Le co diallon kpow nɔɔliaa mì le va vanacieeyɛi nɛi kpow lomɔɔ. O Ɲánndávàà yinnde ndɔle len le fula ni.

Kɛ vana-vana tiw-vɔ ba diɛɛmulen biyɔɔ le. Ɲɛ vɔɔn co muulɔnndo tuŋ-ndo le co ni, le co lepiaalen ca a ɲɛ lolo nɔla mò dii vana-o.

Puapilɛa nia, la síŋnùn vanaa pɛɛkaa sɛ́lɔ́ɔ́ taw le, kani la sínà maa naa co pɛɛkoo-a, yamɛi nɛi i hiawnin ikalu.