Popular Bible Verses from Hebreea 4

Share

Sɔɛi Hala-e co ikiyɛi, i nɔ kpaayaa. I hiow mɔɛi sondola tiɔn kɛ́-kɛ̀ luɛyɔɔ. Sɔɛi Hala-e tiwba mi i luɛi naa nin di, mì i tiiya naa o kɔllo nin, mì i tiiya o boondon, mì i luɛi o yooyooan nin di. Mì i sina tuulan a yiyannda co o kɔl vanacieo nin-ndan.

Lelan n sɔɔngun Hala kaola naa-o o ibuŋ a laalanndo mì n sɔla malɔɔ lahakio, mò tuinun naa iɲíí le naa malaa o telen bɛnda-o.

Bolle vanaa-solia-lasálà naa n nɔ-o nɔ ɲíí nɛi. Kani fúú le, o sínà maa n nɔ kpaaya le. Kani ndu bɛɛ mó sɔla tɔɔndanndan o nɛi oo nɛi coo mɛɛ naa n co tɔɔndanndan sɔlaa yɛ, kɛ o tosa haki kɛ́-kɛ̀ le.

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

Lelan n simnun yili o laalan naa n co sɔɛi ndɔɛi dimio-o coo. Kani n nɔ bolle vanaa-solia-lasálàá, o kɔɛ nin o halataala di-o, Yeesu po Hala-o pɛɛn.

Lelan n kindikindin le luɛyɔɔ o pɛngi kon nin, haliko vana-vana del mò bumba le luɛyɔɔ maa fuɲaa naa mamaa lɔ́ɔ́ kon te.