Popular Bible Verses from Fulaa 15

Share

Mí Mɛlɛka dimul nda aa: «Te la bii pɛ diom nuu, ya Mɛlɛka, ya co Hala niaa-o, te la kela pɛ kela sandaa ya o hɔl, te la yaŋ pɛ nilan o silala nilan mì la bii lan kpow, i tuisinin niaa nààla ya tuisi Esiptea coo lan coo le, hali naa vaa lende o pilɛ o tulnin niaa coo le. Kani ya co Mɛlɛka ni, ya nɔ siongɔɔ niaa o ba ni.»

Mɛlɛka co yoomuma nian a vana ya lisà-o ni. Ndu yɔŋnun vana ciindiaa nuu ni. Ndu co Hala nuu ni, i lisanin ndu. Ndu co Hala fuɲa nuu ni, i sangalanin ndu.

Mɛlɛka, hala kuɛɛ co yɛ maa nɔm o halaa tɔ̀a tɛɛn? Nɛ̀ɛ́ co yɛ o diandaa maa nɔm? Kpúlúnkùma tosa sɔɔn tɔ́ɔ́ bɛndon-ndo n co ni. Nɛ̀ɛ́ tosà yɛ kaamaalan maa nɔm?

Le tùú n lò o lediom coo-o, má sim yungu n baŋa hoo-o laci. Má yaa nda o calta nɔmnda diandaalan a kpaaya nɔm bɛndoo.

Má tiiya Mara, má komal mɛnndan ndon, kɛ a nɔla man kolɔɔ le, kani maa lol bɔɔ. Lelan nda ke fonda kon diolan ni aa Mara (kon co dimio ni aa «Ɲɛ loloo»). O kon, má soaa sɔɔn pɔmbɔn a Moise, má ɲuna aa: «Yɛɛ naa n co yɛ niko kolɔɔ?» Mí Moise piɛi Mɛlɛka, mí Mɛlɛka cɔm ndu yɔmndo súúo pum. Mí Moise mal yɔm kon o mɛmma man nin, mí ma muungu makɛndɛ le kolɔɔ. Lon Mɛlɛka yɔngu nda silalan ni, mó cɔm nda ɲɛ nda bɛnda le tosaa-o. Lon koni o tɔɔndan nda vɛlɛ ni.