Popular Bible Verses from Kolɔsea 2

Share

Lelan, mɛɛ niaa cɛl Maalii Yeesu Krista nuaa yɛ, la kela niko mɛɛ dɛnnda ndɔlan la co yɛ. La sim mì la luei puundon o ndu nin, mì la tangul yoomu niaa o ndu coo maa mɛɛ niaa sɔla pɛɛkoo yɛ, mì la va vanaa sinaa ikɛndɛa taw.

La caa, yɔŋii vannda bii niaa a sɔɔn caan mà hui niaa a sɔɔn fondon. O naamula vanndacieea nin kon fulà ni, a ɲinaa vɔɔnda co o ceendo coo-a o ba, o co Krista o ba le.

Niaa va a vílɛ́iya o kɔllo nin le tɛɛmbuula niaalan a le tooma niaa kɛɛ diyɔɔ o diallon nin-ndo-a, mó tosa mí la muungu ceen a ndu latulu, mó mal tɛɛmbuula niaalan kpow haki. Mó ɲumi sɛbɛ ndáà sɛva le naa cɔlɔbaa-o, o tɔŋnda ndɔlan la ve ɲɛ kɛndɛ a naa loo, mó kpeeŋa ndu o baŋɔɔ nda baŋ ndu o yɔm singafilaa coo-o.

Kani ɲɛ-ɲɛ co o Hala nin, mí kon cua diallon Krista-on, nduyɛ o co ndu nin o peelan ca. Nduyɛ o ndu nin dɛnndan kpow la co peelɔnndo ni, ndu co masalen tosaa kpaayalan a masɛi kpow coo-o.

Lelan vana-vana kialu niaa iyama le ɲɛ niaa co dioo-o le, te kon te le o niaa co kolɔɔ-o, le dɛnɛ lakafoo, dɛnɛ paangun sɛnɛiyo a le dɛnɛ palɛi pɛngiaa, mun kpow, vundule ɲɛm co hunɔɔ-on daama le co ni, kɛ o Krista nin sɔɛi kpeekpeiye co ni.