Popular Bible Verses from Dɛnnda kiilaa 2

Share

Mí Piɛr mulul nda aa: «La mangalan, mì vana-vana o niaa tɛɛn sɔla yinɔɔ o diola Yeesu lan, haliko mi hakila niaalan la malnun haki. O kon mì la sɔla ke Kɔl-Diandaa.

A va kelaa o pɛɛkula kiilaa va nda yɔngoo lan coo, a va vɛlɛ diom pilɛ. A va dioo nɛɛ pilɛ má va Hala piɛiyo latulu.

Mí Hala Kɔl-Diandaa pia nda nin kpow, má kandu sɔɛi o sɔɔn celen nin mɛɛ Kɔl-Hala-o va nda cɔmndo le sɔɛi yɛ.

Mí diomndo pum fula o lepilɔɔ o halataala maa diom hoeyii bɛndu, mó pia nɛɛ nda va icali cɛinin-nda. O kon má ca ɲɔɔ pum maa diɛɛmui leyin. Mí diɛɛmui ken i piɔvan, mí i cal vana-vana coo. Mí Hala Kɔl-Diandaa pia nda nin kpow, má kandu sɔɛi o sɔɔn celen nin mɛɛ Kɔl-Hala-o va nda cɔmndo le sɔɛi yɛ.

Lepalaa-lepala, a va biuvɔnndo cuungianndo o Cɛi-Hala-o nin. A va ɲɛdiaa dioo cɛilan nin a kɔlkɛndɔɔ a o tuisinndo nin. A va Hala biiloo, mí ɲɔɔ va vannda kpow hɛnanndo a nda. Ɛ̀ɛ̀ nduyɛ, lepalaa-lepala Maalii va vanaa va ciindaa sɔlaa-a handɔɔ o kunda ndaa coo.

‹Hala dimi aa: O palɛi mɛɛlɛi, i saŋnin Kɔl nuu vanndacieea kpow coo. Poaa niaa a cuavaa niaa laandua siŋnunnin vanaa-tɛɛngaa-diom Hala-a. Langbaa felengia niaa canin vunduan, bɛndua yuuvɛiya sɔlnin lɔan.

Vanaa laalannda kpow a va diom pilɛ, a va ɲɛm ndan kpow kɛsio nɛɛ pilɛ. A va ɲɛ nda sɔlaa a ɲɛm ndáà nɔ-on pisio, má va volin mun piɔvianndo mɛɛ mako vana-vana va yɛ.

O kon, vana-vana pɛinin Mɛlɛka-o, ndu sɔlanin cindaa.›

Paalen le siŋnunnin ɲumndan, mì paangei siŋnun koovan, lɔ́ɔ́ pá mì paale Mɛlɛka le len le tiiya, paale bɛndule len, paale tɔ́ɔ́le len pɛɛn.