Popular Bible Verses from Dɛnnda kiilaa 1

Share

Kɛ la sɔlanin kpaayaa lɔ́ɔ́ Kɔl-Diandaa toalnin niaa coo-o. O kon, la siŋnunnin seyaa nia Yerusalɛm ciee, o tàndá Yuda-o nin a o lɛŋnde Samari len nin kpow, kɔlan tiiyaa háá o lɛŋnden mɛɛlulan.»

Mó mulul nda aa: «O co niaa le bɛnda mì la sina telenndan a palɛi Fuɲa nuu pila kɛsi a kpaaya ndɔɔ-e le.

Paale pilɛ, o va ɲɛdiaa dioo nda ndaa, mó dimul nda aa: «La fáŋàn Yerusalɛm te, la cum ɲɛ Fuɲa nuu dimi le niaa yɔngoo-o. Ɲɛ yáà dimul niaa sɔɛi ndɔɛi-yo pɛɛn. Kani o mɛnndan nin Nsaŋ yin vannda ni, kɛ niaa niaa, palɛi bendu lɛ le, mì la sɔla yinɔɔ Hala Kɔl-Diandaa.»

O piɔ́m ndu Yeesu sɔla-o kɔɔli, mó cɔmnun nda, mó cɔm nda vɛlɛ tɔɔmaselelan taw maa o muungu yoomu. Palɛi belehiɔɔlu o cɔmnun nda ni, mó dimul nda sɔɔn a Masale Hala len o kɔɔ.

Mɛɛ Yeesu cii sɔɔn mun dimi, mó hel o halataala, kiilaa ndɔa va ndu tofaa. O kon kɔɔli, mí yumbuyumboo kumbu ndu, a ci lɛ ndu le.

A lo tofaa o halataalaa nin nɛɛ Yeesu va helnɔnndo-a, mí langbaa nda ŋiɔn a fula nda ikɛi o lepilɔɔ a volɔɔla humbulan lekɔɔ, má dimul nda aa: «Niaa Kalilea ha, le yɛɛ nɛ niaa co yɛ tofaa o halataala? Yeesu faŋan hoo niaa ikɛi, mó hel o halataala-o hunnin vɛlɛ mɛɛ niaa ce ndu kɔlan o halataala nuaa yɛ.»