Popular Bible Verses from Gɔwɔ tɔɔi 37

Share

Yələ ta, Ɉosɛfə ə hįį kaa, ə ɉukulɔ niɛni diɛ, yili ə nwɔ wɛli kpɛɛ mąą laa ta pɛlɛ mą niɛni yəi.

Ɉosɛfə wɛli ə kɛ Israɛlə ɓa, ə tɛɛ niɛni kəlee diɛ, mąąhɔlɔɓo, ə ɉɔlɔɓo bɔlɔɔ kɔ́lɔi. Ɉakɔbə ə gbaawii lɛlɛɛ tɛɛ Ɉosɛfə pɔ.

Ɉosɛfə niɛni di gaa diɛ, di nąn aa di ləɠə wɛli la kɛ aa dɛɛ diɛ. Ɉosɛfə wɛli ə kpɛɛ niɛni diɛ ə tɛɛ gɛi ɓa. Di hvo kpɛli kɛi nwɔ mɛ̨nį lɛlɛɛ ɓo.

Ɉosɛfə ə pənə nwɔ̨nɔ̨ ə hįį takpɛli kaa, ə li nwɔ̨nɔ̨ ə ɉukulɔ niɛni diɛ, yɛ diɛ: «Ŋą́ą́ nwɔ̨nɔ̨ hįį kaa, ŋį́ hvóló kaa, ɲąnin da pɛmɛ̨lɛ̨n-gɔw pow kɔ́w tanɔ̨n, di pa di pɛlɛ gɔ́wɔ́ mu.»

Ɉosɛfə niɛni di tolo hee mą, kɛlaa, nąn nwɛi, ə kɛi giliŋąhiɛ ɉįiɠaai tii non ə gaa, mą.

Ɉosɛfə yɛ niɛni diɛ: «'Ka ka wəli tɔɔ, ɉįi ŋį́ gaa, ŋį́ ɉukulɔ kaa. Ə haa kɛ yɛ gwa kɛ yɛa ta, guɔ mɔ̨nun dee. Nwɔ́ mɔ̨nun gɔn ə haŋą ə tɔɔ, ka wɛiɠaai kəlee di pa di pɛlɛ nwɛ́i kɔ́wɔ mu.»

'Ka pa, 'ka gu baa, gu bowa pili nowaɠaai ŋɛ̨i ta hu. Gwa li, gwa kɛ gu nąn ma: ‹Lɔwɔ huwɔ ta aa ə́ lon ɉon, aa mį́i.› Gwa gɛ tii, bələi nwɔ hįiɠaai kaa pai kɛi la, gwa nąą kaa.»

Ismaɛlə nu huwui a Madian yɔw kɛ nuą, di kɛɛ tɛɛ nąą, di Ɉosɛfə kulɔ nɔwai, di nɔwɔtɔɔ diɛ a wali kwələ pow hveelɛ, yiliɠaai di ɉəɠə di li la Eziptə.

Diɛ kɛ di kee ɓa: «Ɉįį kaa mun ka tii pai.

Yiliɠaa di gaa kwɛala, yɛ pa. Gɛɛ hvo həli diɛ, di lɔ mąą kilii, ə gɛ, di baa.

mąą hvo nɛ̨ɛ̨li gu hvo kɛ a nu paa nuą, nɔi pun ɉu ɓɛ, lɔwa pɔlɔɠaa kaa ɓɛ, ka gu bili lɔ da hu, kɛlaa, ka gu hvo kɛ gu kaa baai.» Rubɛn ə kɛi mo tii diɛ, mąąhɔlɔɓo, ə kɛ bɔ ə nəɠə lɛɛ a vulú, ə li la di nąn bɔ.