Popular Bible Verses from aan dɔlɔɔ 3

Share

Nónnii pɛlɛɛɠaa, 'ká gu hvo wɛlikɛmąą laa kɛ lɔ a gu hvaa woo da gu nɛ̨n, kɛlaa, 'gu gɛ a gu tuwɔ pələ tɛ̨ą hu.

Bələi kɛa gwa wɛlikɛmąąlaa kɔlɔn na, bələ ka: Yaa tii a Jesus ə nwɔ yɛnɛ̨ɛ̨ tɛɛ gu mąą mɛ̨nį ɓa; guɔ kpɛlimąn, gu mąąnɛ̨ɛ̨i gu gu wɔ yɛnɛ̨ɛ̨ tɛɛ gu nąn nonnii mąą mɛ̨nį ɓa.

Nwɛlikɛmąą laa kɛnɛ̨i Nąn ə gɛ a guɔ, 'ká gaa tai, da gu təli a Yálá lonnii; ɛlɛɛ, gu kaa kpɔ tii la! Yili ɓə aa gɛ, yɛnɛ̨ɛ̨ hva pɛli gu kɔlɔn ɉii; gbala ə tɔɔ, di ɲɛ̨i hvo ni pono li Yálá ɓa.

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.

Nui lɔpee Yálá aa gaa a lon, hva nɛ̨ŋɛ̨n ɉəɠə, gbala ə tɔɔ, ŋą híhɛn gɔwi ta kaa ɉu; ɛlɛɛ, hva pɛli kɛa nɛ̨ŋɛ̨n ɉəɠəi, mąąhɔlɔɓo, Yálá aa gaa a lon.

Akɛ yɛnɛ̨ɛ̨ hɛn gɔw a kɛ nu ta yəi, ɛlɛɛ, ə nąn non gaa kąnąn ɉu, ɛlɛɛ, hva ɲɛ̨imąąwɛli kaa; a kɛ tii, Yálá nwɔ wɛlikɛmąąlaa a pɛli kɛi ləi ɉu?

Nui a ɲee kąnąn díɓoɠaa tii diɛ, aa ɉeei kulɔ Yálá hu, ɛlɛɛ, Yálá yaa kpɛlimąn aa ɉeei kulɔ ɉu. Yili pɔ pələ ɓə gwa gɔlɔn na, guɔ gaa gu hu, nwɔ Kilii tii ə dɛɛ gu pɔ ɉáálai.

Mɛ̨nįi a Yálá lonnii da nąnį lonnii di lowai tɔɔ, ya ka: Nui lɔpee hva tələnmo laa kɛ Yálá nwɛi ta hvə li, ə mą kɛ, nui nwɔ̨nɔ̨, nąn non nwɛli hvo mą.

Mąąhɔlɔɓo, nwɛlɛɛi tii ká mɛ̨n a gɔɔ tɔɔ yələ, ya ɓaa: Gu gu keeni wɛlila kɛ.

Ną́n nonnii ká kwəi hvo pili káá, a kɛ, yɛnɛ̨ɛ̨ a wɛlikpɛɛmąą laa kulɔ a káá.