Popular Bible Verses from aan dɔlɔɔ 2

Share

'Ká hvo yɛnɛ̨ɛ̨ wɛlila kɛ, ə mą kɛ, ɉu hɛnŋaa. Nui a yɛnɛ̨ɛ̨ wɛlilakɛ, kɛ tii Nąn Yálá nwɔ wɛlikɛmąąlaa hvo ɉu. Gbala ə tɔɔ, mɛ̨nįɠaai ɲɛnɛ̨ɛ̨ ŋɛ̨i hu diɛ ɓaa: kɔlɔ liiɓa mɛ̨nįɠaa, ɲɛ̨i kɔw nwɛiɠaa ɛlɛɛ, da nu kilitɔɔ mɛ̨nį, ɲəi hɛnŋaa diɛ, a kpɔwɔ ɲąąkɛnɛ̨, di hva həɠə Nąn Yálá pɔ pələ, yɛnɛ̨ɛ̨ ɓɛ mɛ̨nįɠaa li.

Yaan, yɛnɛ̨ɛ̨ da ɉu mɛ̨nįɠaa kəlee di kaa pai tɛɛi, kɛlaa, Yálá liiɓa kɛmun nwɛi, gaa laa a yələ kəlee.

Nui a kɛ diɛ gaa ɉu, hvo kɛli mąą nu a hiɛ a bələi yaa tii a Jesus ə hiɛ la.

Nónii pɛlɛɛɠaa, gáá ɉɛɓɛ́ ŋɛ̨i tɛɛ kaa, ə gɛ, ká hvo nɛ̨ŋɛ̨n ɉəɠə. Kɛlaa, ká ta a nɛ̨ŋɛ̨n ɉəɠəi, gu mąą nɛ̨ɛ̨mąą hvə mun gaa Ną́n Yálá kwɛlɛ, ya ɓaa a Jesus Kristə yai dəlimoɔ.

Nui a kɛ mą: ŋą́ gɔlɔn, kɛlaa, hva Yálá nwɔ tíɓoɠaai pɔ mɛ̨nį kɛ, lɛɛmun ni, ɛlɛɛ, tɛ̨ą heei hvo ɉu.

Ɛlɛɛ, yili ɓə gwa gaa la, guɔ, gu gɔlɔn: akɛ gwa nwɔ tíɓoɠaai pɔ yíiɓo.

Nui a kɛ diɛ, gaa kɛɛ pono hu, kɛlaa, nąn non nwɛli kpɛɛ mą, akɛ tii, mąą nu kaa lɔ ni kpini hu.

Gbɛɛ ɓə gaa a lɛɛmun akɛ nui a lənə Jesus ŋą Kristə laa ɓa, ya hvəə? Ɓɛ kaa, Kristə ɲowo ɓaa, nui a lənə Ną́n Yálá da Nón diɛ.

Nui a lənə Non ma, aa lənə Ną́n yaa kpɛlimąn mą, nui a ɲee hee Non mu aa ɲee hee Nąn yaa kpɛlimąn mu.