Popular Bible Verses from Numbers 14

Share

Inglulinriciu ATANEQ yui-llu nunam tamatum alikevkenaki. Qaciggluta cirlakciqaput. ATANREM nayuamikut cirlakellrui tamakut agayutait qaunqilriit ellaitnek. Alikenriciki tamatum yui, ATANREM nayuraakut.”

‘ATANEQ qenqerrngiatuq kenkii-llu pektayiinani, au͡g'ariluni yuut assiilngillritnek. Tau͡gaam anucimirqecetaanrilngaitai angayuqrita assiilngillrat pitekluku kinguvrita pingasuingurtellritnun cetamaingurtellritnun-llu.’

ATANREM ilukegcitkekunikut ayauciiqaakut tamaavet nunamun piksagutelluku, nuna naungignarqelria enuqitnaunani-llu.

Tau͡gaam pisteka Caleb-aaq ellaicetun ayuqenrilami niisngarrlainarlua-llu, ellii iterceciiqaqa tamaavet nunamun paqtellranun kinguvrinun-llu piksagutelluku.

Waten qanruski, ‘Wiinga piucimtun waniwa ukvernarcariunga. Tua-i pisqumallerci aturluku piqataramci.

ATANREM qanrutaa Moses-aaq, “Qaillun pitalriamek ukut yuut cakaaqatartatnga, qaillun-llu taktalriamek ukverciigatqatartat wangnun irr'inarqelrianek nallunailkucilang'e'rma akunlemeggni?

Qanemyuugaullukek Moses-aankuk Aaron-aaq-llu qanraqluteng, “Assinruyallruuq tuqullrukumta Egypt-aami, wall'u maani yuilqumi!

Joshua-m-llu Nun-am qetunraan, Caleb-aam-llu Jephunneh-m qetunraan, ilagautellrek nunamek paqtellrianun, aturatek allgurakek, qanerlutek-llu quyungqalrianun Israel-aam yuinun, “Nuna ayagallerpuk paqluku assiqapigtuq.

Tau͡gaam ilumuulriamek piullemkun nuna-llu imiumaciatun ucurnarqucimnek, waniwa akqua atauciunge'rmi ukut yuut iliit iterngaitqapigtuq akqutkellemnun nunamun ciuliaritnun. Ellaita tangellruat ucurnarquciqa tanqilria irr'inarqelriit-llu pillrenka Egypt-aami yuilqumi-llu, tau͡gken cali taqsuqciraqlua amllerqunek niicugpek'nii tuaten. Iterngaitaat watqapik nuna akqutkelqa ciuliaritnun. Cakaartellrenka tamarmeng iterngaitut.