Popular Bible Verses from Numbers 13

Share

Caleb-aam nepairai qanemyuugautestai Moses-aam, qanerluni-llu, “Ayagnaurtukut waniwa nuna piksagutniarput, tamakut yuut cirlaksugngaaput.”

Yugpagnek-llu tangellruukut Anakim-aam kinguvrinek. Tamakut angem ugaani tayima ellaitni wangkuta ciissiyagartun pitaukut.”

Tamakut tau͡gaam elliinun maligutellret qanertut, “Wangkuta ingluliurciigataput tamakut yuut, pininruata wangkutni.”

Taukut-llu piciunrilngurnek qanengssagnek sagciut Israel-aam yuinun nunamek paqtellermeggnek, qanerluteng, “Nuna tamana naugisciigatuq neqkanritnek tamaani yuut. Yuut-llu tangelput sugturrlainarluteng.

Qanrulluku-llu Moses-aaq, “Nuna paqtellerput naungignarqellriaruuq enuqitnaunani, makunek-llu atsarluni.

Tau͡gaam yui tamatum pinilriarulliniut nunarpait-llu angluteng asvairqumaluteng-llu. Tau͡gaam arcaqanrulriaruut tangelput yugpiit Anakim-aat kinguvrit.

Amalekite-at Negeb-aam nuniini uitaut, ukut-llu Hittite-at, Jebusite-at, Amorite-at-llu qertulriami (qemini) nunami uitaluteng; Canaanite-at-llu imarpiim cen̄iini Jordan-aam-llu cen̄iini uitaluteng.”

Tekicameng-llu ullagait Moses-aaq Aaron-aaq, yuut-llu Paran-aam yuilqurrani Kadesh-aami qanemcilluki-llu tangllermeggnek, nasvilluki atsainek tamatum nunam ut'rutlermeggnek.