Popular Bible Verses from عَننَبِ عٍسَيِ 54

Share

كْنْ فٍرٍ سٌسٍ نَشَن بِرِن يَءِلَنشِ وٌ تَن شِلِ مَ، ﭑ عَ نِيَمَ نّ عٍ مُ وٌ لِ قٍقٍ مَ. نَشَن يٌ وٌ تْوحّفّ، كِيتِ نَن كَنَمَ نَ كَنيِ رَ. عَلَتَلَ عَ شَ كٌنيِيٍ فبٍ حْشْمَ نّ. عَلَتَلَ شَ مَسٍنيِ نَن نَ كِ.»

هَلِ فٍيَيٍ سَ سّرّنقٍ نّ، تٍنتٍنيِيٍ نَشَ فِرَ عَ رَ، ﭑ مَ شَنُنتٍيَ مُ نْمَ شُرُندٍ وٌ بّ، ﭑ مُ مَ بْحّسَ سَاتّ كَنَمَ ﭑ نَشَن تٌنفٌشِ وٌن بّ. عَلَتَلَ شَ مَسٍنيِ نَن نَ كِ نَشَن كِنِكِنِمَ وٌ مَ.»

هَلِ وٌ مُ هَنمّ، وٌ مُ يَافِ يٌ سْتْمَ. وٌ نَشَ فَاشُ نَ يَ رَ، وٌ شَ قٍ مُ رَفٌرٌ مَ نّ. وٌ قَمَ نّ نّيمُدٍ نَ يَافِ شَ قٍ رَ وٌ نَشَن سْتْ وٌ قٌنِكٍ تّمُي، وٌ مُ لُ رَ مَحْشُن نَ وٌ شَ كَاحّ قٍ رَ،

بَرِ مَ وٌ دَالِ مَنفّ مّينِمَ وٌ مَ عَلْ شّمّ مّينِمَ عَ شَ فِنّ مَ كِ نَشّ، نَشَن شِلِ قَلَمَ وٌ مَرِفِ عَلَتَلَ سّنبّمَ، نَشَن قِندِشِ عِسِرَيِلَ شَ سّنِيّنتْي رَ، نَشَن وٌ رَكِسِمَ، نَشَن شِلِ عَلَ دُنِحَ كَنيِ.

«وٌ شَ وٌ شْنيِ رَشُنفبٌ، وٌ شَ ندٍ سَ وٌ شَ بَنشِيٍ شَ فبٌي شُن، وٌ شَ نَ بِرِن يَءِلَن عَ قَنيِ رَ،

وٌ شَ دِيٍ بِرِن بِرَ مَ نّ عَلَتَلَ قْشْ رَ، عٍ شَ قٍ بِرِن سْونّيَ.

ﭑ عِ كٍرِ بْحّتٍ شُنفبٍ نَن كُي تّمُي دُنكٍ دِ، كْنْ ﭑ مَن كِنِكِنِمَ نّ عِ مَ مَرَقَنيِ كُي عَبَدَن.› ﭑ تَن عَلَتَلَ وٌ كَنتَمَ شَ مَسٍنيِ نَن نَ كِ.»

«عَلَ نَشّ، ‹ﭑ عِ رَبٌلٌ نّ تّمُي دُنكٍ دِ، كْنْ ﭑ مَن عِ مَسٌمَ نّ ﭑ نَ ﭑ مَ شَنُنتٍيَ شُنفبٍ كُي.

«عَ لُمَ نّ ﭑ بّ عَلْ نُهَ شَ تّمُي، ﭑ تٌ ﭑ كَلِ عَ بَنبَرَنيِ مُ دُنِحَ كَنَمَ سْنْن. ﭑ بَرَ ﭑ كَلِ عَ ﭑ مُ شْنْمَ وٌ مَ، ﭑ مُ وٌ سْنتْمَ سْنْن.

ﭑ وٌ شَ يِرٍ عِتٍشِ يَءِلَنمَ فّمّ تٌقَنيِيٍ نَن نَ، ﭑ وٌ شَ نَادّيٍ رَشُنمَ فّمّ رَيَبُشِيٍ رَ، ﭑ وٌ شَ تّتّ تِ فّمّ يَنبَشِيٍ رَ.