Popular Bible Verses from عَننَبِ عٍسَيِ 53

Share

كْنْ عَ سْشْ نّ وٌن مَ يُنُبِيٍ شَ قٍ رَ، عَ بُتُشُن وٌن مَ حَاشُحَ شَ قٍ رَ. عَ حَشَنكَتّ سْتْ نّ عَلَكٌ وٌن شَ يَلَنيِ سْتْ، عَ شَ قِيٍ قِندِشِ كِسِ نَن نَ وٌن بّ.

وٌن بِرِن نُ لْيشِ نّ عَلْ شُرُ سٍ نَشٍيٍ يٍنسٍنمَ وُلَ عِ، كَنكَن نَشَ سِفَ عَ شَ كِرَ شْن مَ. كْنْ عَلَتَلَ بَرَ وٌن مَ يُنُبِيٍ كٌتٍ دْشْ عَ شُن.

عَ بَرَ وٌن مَ تْورّ قِندِ عَ فبٍ رَ، عَ بَرَ وٌن مَ كْنتْقِلِ قِندِ عَ فبٍ رَ. وٌن تَن بَرَ عَ مَحْشُن عَ عَلَ نَن عَ دَنكَشِ، عَ عَ شَ تْورّ قَتَنشِ عَلَ نَن نَ.

مِشِ رَحَاشُشِ نَن نُ عَ رَ حَمَ مُ تِنشِ نَشَن نَ. تْورْ مِشِ نَن نُ عَ رَ، نَشَن دَرِشِ حَشَنكَتّ رَ. مِشِيٍ مُ تِنشِ عٍ يَ تِدٍ عَ بّ. عٍ نُ يٌ عَ مَ، عٍ مُ تِدٍ يٌ قِشِ عَ مَ.

تْورّ نُن قٍ شْرْشْي تٌ عَ لِ، عَ مُ عَ دّ رَبِ هَلِ كٍرٍن. عَ لُ نّ عَلْ يّشّي نَشَن شَنِنقٍ عَ قَشَدٍ. عَ عَ سَبَرِ نّ تْورّ كُي، عَلْ يّشّي شَبٍ مَشَبَ تّمُي.

عَلَتَلَ بَرَ نَتّ تٌنفٌ عَ شَ عَ حَشَنكَتَ تْورّ رَ، كْنْ سّرّشّ نَ بَ يُنُبِيٍ شَ قٍ رَ، عَ قَمَ نّ عَ بْنسْي تٌدٍ، عَ بُ عَبَدَن. عَلَتَلَ وَشْنقٍ رَكَمَلِمَ عَ تَن نَن سَابُي رَ.

عَ شَ كٌنيِ لُ نّ عَلْ سَنسِ شُرِ، نَشَن تِشِ بْشِ شَرٍ مَ. عَ تٌ كِ مُ نُ رَيَبُ، عَ شَ تٌقَنيِ مُ فبٌ.

ﭑ تِدٍ شُنفبٍ سٌمَ نّ عَ يِ رَ، عَ شُننَكٍلِ سَرٍ سْتْ سّنبّ رَ، عَ تٌ قَشَ مَتَندِلَيٍ يِ رَ، عَ نُ بَرَ عَ يّتّ قِ سّرّشّ رَ مِشِ فبٍفبٍ شَ يُنُبِيٍ شَ قٍ رَ.»

عَ نَ فّ عَ شَ وَلِ رَبَدٍ، عَ قَمَ نّ سّيوَدٍ. «ﭑ مَ كٌنيِ تِنشِنشِ حَمَ قِندِ مَ نّ تِنشِنتْييٍ رَ، عَ عٍ شُن سَرَ عٍ شَ يُنُبِيٍ شَ قٍ رَ.

عَ تٌ فّ كِيتِ تِنشِنتَرٍ سْتْدٍ، عَ نَشَ قَشَ. ندٍ نْ عَ بَدٍ دُنِحَ مِشِيٍ يِ رَ؟ عَ حَشَنكَتَشِ ﭑ مَ حَمَ شَ يُنُبِيٍ نَن مَ قٍ رَ.

عٍ نُ وَ مَ عَ قُرٍ رَفَتَقٍ مِشِ حَاشِيٍ نَن يَ مَ، كْنْ عَ رَحْنيِ عَ رَفَتَ مِشِ بَننَشِيٍ نَن يَ مَ، بَرِ مَ عَ مُ مِشِ تْورْ، عَ مُ مِشِ مَدَشُ.