Popular Bible Verses from Markus 13

Share

Yimɓe fuu no nganyey on, gam on tokkuɓe yam. Ammaa munyɗo faa timmoode no hisnete.

Kakkilee, ndeenee, gam on anndaa wakkaci nde o warata.

To ɗum nanngii on, ɗum yaharii on yeeso laamu, to' on ngaanno dow ko mbi'oton. To wakkaci ɗuum warii, on keɓey ka mbiiɗon, gam naa ɗum onon mbolvata, ammaa ɗum *Ruhu Ceniiɗo.

Dow e lees no timmey, ammaa bolle am timmataa faa abadaa.

Ammaa walaa annduɗo nyalaande koo wakkaci nde fii ɗuum waɗata, koo malaa'ika'en wonɓe dow, koo *Ɓiɗɗo boo anndaa, *Baabiraawo mo dow tan anndi.

To on nanii habaru konuuji ɓadiiɗi e goɗɗuɗi, to' on kul, gam doole ɗum waɗa, ammaa naa ɗum timmoode duuniyaaru tawo.

Gam ma'ajum, njooɗee ndeenee, sabu on anndaa wakkaci nde jawmu wuro oon wartoyta, koo ɗum futuro, koo caka jemma, koo fajiri, koo subaka. To' o wartu o juha on, o tawa on ɗaani. Ka mbi'imi on, kanka mbi'eymi koo moye : njooɗee, to' on ɗaano !

Lenyol no ummanto lenyol, laamu no ummanto laamu. Veelooji e dimmbaaki lesdi no mbaɗey nder jaaje feere-feere. Ɗum ɗoon fuu, ɗum kama fuɗɗoode ŋatawre danygol tan.

Doole leƴƴi duuniyaaru fuu nga'ajinee *Habaru Belɗum tawo.

Yimɓe ɗuuɗɓe no ngarey e innde am, ɓe mbi'a : « Miin woni *Almasiifu », ɓe majjina yimɓe ɗuuɗɓe.

Ndeenee ko'e mooɗon, gam yimɓe no kokkey on nder juuɗe mawɓe ceri'a, ɗum fiya on nder *cuuɗi-ga'ajorɗi, ɗum ndarna on yeeso aardiiɓe lesdi e laamɓe sabu innde am, gam laatanooɗon yam caaydu'en yeeso maɓɓe.

Gam almasiifu'en fewre'en e annabo'en fewre'en no mburtoyto, ɓe mbaɗa alaamaaji e kuuɗe kaayniiɗe, gam ɓe majjina yimɓe, faa e suɓaaɓe, to ɗum waɗoto.

Ammaa nder balɗe ɗeen ɓaawo kan ɗoon torraa kalluka, naange no niɓɓey, lewru boo no woorey yaynaago. Koode no njanoyey gada dow, baawɗeeji gonɗi dow fuu no ndimmboto.