Popular Bible Verses from Markus 12

Share

Yeesu toontii mo vi'i : — Ɓurka manngu woni : « Nanee, onon yimɓe *Isiraa'iila : Allah Jawmiraawo meeɗen, o go'oto. Yiɗ Allah Jawmiraawo maaɗa e ɓernde maaɗa fuu, e yonki maaɗa fuu, e hakkiilo maaɗa fuu, e semmbee maaɗa fuu. » Ɗiɗaɓa woni : « Yiɗ ko'odiɗɗaawo maaɗa noon no ngiɗruɗaa hoore maaɗa. » Nder dookaaji Allah fuu, ɓurɗi ɗi'i ɗiɗi semmbee ngalaa.

Sey Yeesu noddi *almaajiri'en muuɗum vi'i ɓe : — Emi vi'a on goonga : ko o'o yayriijon cooyɗo hokki e ɓuri ko horiiɓe fuu kokki. Gam kamɓe ɓe kokkii seɗɗa gada nder ɗuuɗal risku maɓɓe. Ammaa kanko nder cooyndam ma'ako, o hokkii ko o marortoo fuu nder foofaango ma'ako.

Yeesu jooɗii nder *Wuro Allah Seniingo ha'ade to ɗum resata ceede gam Wuro ngoon. Emo raara no yimɓe mba'atirta ceede mu''en. Riskuɓe ɗuuɗɓe mba'ati ceede ɗuuɗɗe nder. Sey goɗɗo yayriijo cooyɗo mo gorko muuɗum maayi wari wa'ati tammahon ɗiɗon, ɗum ceedon seɗɗa tan.

Neɗɗo yiɗa mo e ɓernde muuɗum fuu, e hakkiilo muuɗum fuu, e semmbee muuɗum fuu, yiɗa mo wondi noon no yiɗiri hoore muuɗum, kanjum, ɗum ɓurii sadakaaji guleteeɗi e sadakaaji koriiɗi fuu.

O vi'i ɓe : — Too, kokkee Kaysar ko woni ɗum Kaysar, kokkee Allah boo ko woni ɗum Allah. Toontol ma'ako haaynii ɓe korey.