Popular Bible Verses from Ibraaninkoo'en 13

Share

To' on ngoor yiɗde ceede aardanoo foofaango mooɗon, ammaa ndannganee dow ko ngoonɗon, gam Allah e hoore muuɗum vi'i : « Mi yeebataako ma, mi hibintaa ma faa abadaa. »

Yeesu *Almasiifu waylataako. Noon no o va'anoo keenya, noon o va'i hannde, e faa abadaa.

Gam ma'ajum, en mbaawi vi'igo e ngorgu : « Jawmiraawo woni balloowo yam, mi hulataa koo ɗume ! Ɗume neɗɗo waɗanta yam. »

To' on ngeebo waɗgo ko vooɗi e senndugo e woɓɓe ko ngoonɗon, gam iri sadakaaji ɗiin e mbeloo Allah.

Barkaa Yeesu en kokku Allah maaltooje meeɗen wakkaci fuu kama sadaka, waato caaydinen innde Yeesu e konnduɗe meeɗen.

Sey koo moye fuu teddina koobgal, jogoroo *alkawal ma'agal e senaare, gam Allah no sernaney lalwotooɓe e yeenooɓe fuu.

To' on ngeebo dooka jaɓɓaago hoɗɓe, gam woɓɓe waɗɓe noon njaɓɓake malaa'ika'en, naa e anndugo ɓe malaa'ika'en.

Allah mo jam ummitinii Jawmiraawo meeɗen Yeesu nder maayde. Yeesu woni gaynaako baali mawɗo, tabbitinirɗo alkawal ngal faa abadaa gada e ƴiiƴam muuɗum. Allah oon laatina on heeɓɓe nder ko vooɗi fuu, ko ngoonɗon bukaata muuɗum, gam faa mbaɗon ko o yiɗi. O waɗa ko velata mo nder meeɗen gada e Yeesu Almasiifu. Teddungal laatanoo Yeesu faa abadaa abadin. Aamiin.