Popular Bible Verses from Romanos 15

Share

Mɨa ɨtꞌaa iidi bɨ parã pari aukꞌa ijãadamerã. Mãgá ijãadakꞌãri, Tachi Akꞌõrepa parã o–ĩa pꞌanapiitꞌee mãikꞌaapa kꞌãiwee pꞌanapiitꞌee. Iidi bɨ Tachi Akꞌõre Jaurepa parãmaa kꞌawaapimerã Akꞌõrepa kꞌĩsia iru bɨ Cristodeerã–itꞌee, tꞌãri o–ĩa nɨ pꞌanadamerã irumaa wãrutamaa.

Chonaarãweda Tachi Akꞌõrepa ichi ũraa pꞌãpiji, ma kꞌaurepa tachi ɨ̃rapemaarãpa irua jara pëida kꞌawaadamerã. Mãga kꞌawaa wãdakꞌãri, tꞌãri o–ĩ–ĩadaipata tachia ijãa pꞌanɨde, choo kꞌawaa wãpata nepɨrade pꞌanɨde mãikꞌaapa nɨpata Akꞌõrepa tachi kꞌaripamerã ichi ũraade jara bɨkꞌa.

Mɨa ɨtꞌaa iidi bɨ Akꞌõrepa parã mãgá kꞌaripamerã mãikꞌaapa choopimerã nepɨrade jõnɨde. Ichiaba iidi bɨ irua parã kꞌaripamerã tꞌãri a–ba pꞌanapataadamerã apemaarã ijãapataarã ome, Jesucristopa mãga oopi kꞌinia bairã. Mãgá tꞌãri a–ba pꞌanadakꞌãri, otau aba pɨkꞌa parã jõmaweda o–ĩa ɨtꞌaa tꞌɨ̃pataadaitꞌee mãikꞌaapa kꞌaripataadaitꞌee. Mãgá akꞌɨpidaitꞌee wãara ijãa pꞌanɨ Tachi Waibɨa Jesucristo Akꞌõrede.

Maperã awaraa ijãapataarã pia akꞌɨ́tɨ, Cristopa parã pia akꞌɨparikꞌa. Cristopa mãga ooda perã na eujãde bɨ misa, awaraarãpa pia jarapachida Tachi Akꞌõre ãpɨte. Aukꞌa pia jaradai iru ãpɨte, parãpa mãga oo pꞌanɨ pɨrã.

Mãga ooruta pɨrã, ãchi tꞌãri ãriipida–e paitꞌee. Jĩpꞌa ãchi kꞌaripadaitꞌee waapɨara kꞌawaadamerã Cristopa ãchimaa oopi kꞌinia bɨ.