Popular Bible Verses from Romanos 14

Share

Tachi Cristode ijãada–e pꞌanɨ irua chikꞌo kꞌĩra tꞌãdoo kꞌopipari perã wa chikꞌo kꞌĩra apai kꞌopipari perã. Ijãada–e ne–inaa topipari perã wa topikꞌaa perã. Jĩpꞌa tachi Cristode ijãapata mãikꞌaapa iru jua ekꞌari pꞌanapata, iru Jaurepa kꞌaripakꞌãri, oopataadai perã Tachi Akꞌõrepa kꞌinia bɨkꞌa mãikꞌaapa kꞌãiwee pꞌanapataadai perã. Tachi Akꞌõrepa pia akꞌɨpari mãgá ijãa pꞌanɨɨrã, oo kꞌinia pꞌanadairã Cristopa oopi kꞌinia bɨkꞌa. Mãga oodakꞌãri, kꞌachia ooda–e pꞌanɨ. Mapa ãra ikꞌaawa pꞌanɨɨrãpa ichiaba ãra pia akꞌɨpata.

Chokꞌai pꞌanɨ misa, pꞌanapata oodaitꞌee Cristopa oopi bɨkꞌa, irua tachi akꞌɨpari perã. Mamĩda jai–idaaruta pɨjida, atꞌãri Cristopa tachi akꞌɨpari. Mapa jaradai tachi chokꞌai pꞌanɨ misa, Cristo Tachi Waibɨa. Ichiaba jai–idaa pꞌanɨ misa, Cristo Tachi Waibɨa.

Maperã ne–inaa pia oodáma kꞌãiwee pꞌanapataadaitꞌee awaraa ijãapataarã ome. Chikꞌaripa pꞌanadáma, tachi jõmaweda pipɨara Cristode ijãadaitꞌee.

Maperã akꞌɨnaadáma awaraa ijãapataarãpa oopata pedee kꞌachia pedeedaitꞌee ãra ãpɨte. Ma kꞌãyaara jõma óotɨ awaraa ijãapataarã pipɨara ijãadamerã, mãikꞌaapa oodamerã Cristopa oopi kꞌinia bɨkꞌa.

Mãga kꞌawa pꞌanɨ Tachi Akꞌõre Ũraa pꞌãdade jara bairã: ‘Mɨ ichita chokꞌai baparida a bɨ Tachi Akꞌõrepa. Eperã chaa bedabaidaitꞌee mɨ kꞌĩrapite mãikꞌaapa jaradaitꞌee: “Pɨta Jõmaarã Akꞌõre Waibɨa.” ’ Mapa kꞌawa pꞌanɨ tachi chaachaa panadaitꞌee Tachi Akꞌõre kꞌĩrapite mãikꞌaapa jaradaitꞌee tachia kꞌĩsiadapꞌedaa, jaradapꞌedaa mãikꞌaapa oodapꞌedaa na pꞌekꞌau eujãde pꞌanɨ misa.

Cristode ijãapari aukꞌa parãkꞌa ijãa–e bɨ pɨrã, pia akꞌɨ́tɨ, awaraa ijãapataarã akꞌɨpatakꞌa. ¿Irua mãgá ijãa–e bɨpaa atꞌãri Akꞌõre Ũraa pia kꞌawa–e bairã? Mapa iru ome aupedeedaikꞌaraa bɨ.

¿Kꞌaipa pɨ bɨjima chĩara mimiapari akꞌɨmerã jaraitꞌee irua oopata pia wa kꞌachia? Mimia chiparipapai ichi jua ekꞌari mimiapataarã mãgá akꞌɨipia bɨ. Mãga pɨkꞌa bɨ Cristo ichideerã ome. Tachi Waibɨa Cristopata ichideerãpa oopata akꞌɨpari jaraitꞌee pia wa kꞌachia. Ichiata ichideerãmaa ne–inaa pia oopipari.