Popular Bible Verses from Daniel 1

Share

Mamĩda Danielpa kꞌinia–e paji reypa chikꞌo kꞌopariida mãikꞌaapa vino topariida, Tachi Akꞌõrepa mãgee ne–inaa kꞌopi kꞌinia–e bada perã. Mapa ma poro waibɨamaa chupɨria iidiji ichimaa mãgee chikꞌo kꞌopinaamerã mãikꞌaapa mãgee vino topinaamerã.

Mãgá ma kꞌũtrãarã kꞌĩmariweda Tachi Akꞌõrepa kꞌĩsia kꞌawaapiji mãikꞌaapa poro wẽsaapiji librode jara bɨ jõmaweda mãikꞌaapa ciencia jõmaweda kꞌawaapataadamerã. Ma awara Danielpa ichiaba kꞌawaapachi kꞌãata jara kꞌinia bɨ jõmaweda kꞌãimokꞌaraadapꞌedaa mãikꞌaapa kꞌãimokꞌaraa pɨkꞌa bɨde unudapꞌedaa.

Tachi Akꞌõrepa ma poro waibɨamaa kꞌĩsiapiji Daniel pia akꞌɨ bapariimerã.

Reypa iidikꞌãri ne–inaa kꞌĩsia kꞌawaa beerãpa kꞌawapatapꞌedaa, ma kꞌũtrãarãpa pipɨara pꞌanaupachida awaraa kꞌĩsia kꞌawaa beerã kꞌãyaara. Ãchi diez veces waa kꞌĩsia kꞌawaara pꞌanajida ma rey jua ekꞌari pꞌanadapꞌedaa petau tau kꞌawa beerã kꞌãyaara mãikꞌaapa ne–inaa waide pꞌasa–e bɨ kꞌawapatapꞌedaarã kꞌãyaara.