Popular Bible Verses from Hechos 4

Share

Mapa Jesucristodepai ijãa pꞌanɨ pɨrã, ɨtꞌaa wãdaitꞌee, maarepida awaraa eperã wẽ–e perã irukꞌa na pꞌekꞌau eujãde, tachi o kꞌachiadeepa kꞌaripa ataitꞌee.

Ɨtꞌaa tꞌɨ̃ aupadakꞌãri, ãchi pꞌanadapꞌedaamãi wɨrrɨwɨrrɨa nɨ̃beeji. Mãpai jõmaweda Akꞌõre Jaurepa oopi bɨkꞌa oo kꞌinia pꞌaneejida mãikꞌaapa Tachi Akꞌõrepa ooda Jesús piuda kꞌaurepa waawee–ee jarateepachida.

Ɨ̃rá Tachi Waibɨa, akꞌɨ́ji pɨ ãpɨte kꞌachia pedee pꞌanɨɨrã mãikꞌaapa taimaa waapɨara pɨ ũraa waawee–ee jarateepíji, taipa oo kꞌinia pꞌanadairã pɨa oopi bɨkꞌa.

Tachi Akꞌõre Ũraa pꞌãdade jara bɨ: ‘Te oopataarãpa mãu kꞌiniada–e padapꞌedaa pipɨara padachi.’

Judiorã poroorã arii pꞌanadapꞌedaarãpa unudakꞌãri Pedro mãikꞌaapa Juan jĩpꞌa pedeemaa pꞌanɨ waaweeda–ee, mãikꞌaapa kꞌawaadakꞌãri ãchi eperã jĩpꞌaarã, makꞌɨara kꞌartꞌa tau kꞌawada–ee, akꞌɨtrua para beeji. Kꞌawaajida Jesús ome nipapatapꞌedaa perã, mãga pedeejida.

Maapai ijãapataarã jõmaweda aukꞌa kꞌĩsiapachida mãikꞌaapa chikꞌaripa pꞌanapachida. Apidaapa ãchi netꞌaa iru pꞌanɨ ãchi–itꞌee aupaida adakꞌaa paji. Jĩpꞌa jõmaarã–itꞌee paji.