Popular Bible Verses from Joel 2

Share

Kankanan nan APO en, “Ngem olay id wani et somagong kayo ken sak-en ay menbababawi, menteptepe ya men-ag-aga.

Makwas pay di daket ibokbok nan ispilitok ken dakayo am-in. Et awnit ipagtek nan an-akyo ay lalalaki ya bababai nan kalik. Nan aamam-ayo et awnitda iitawen nan gawis ay ommat ya nan bababalloyo et wada nan ipailak ken daida.

Ipailayo nan seg-angyo isnan ik-ikkanyo tay adi omanay nan mangsingsingatanyo isnan badbadoyo is mangipaila. Somagong kayo isnan APO ay Diosyo tay naanos ya managseg-ang siya. Maan-anosana dakayo danapay tongpalen nan inkalina. Kanayon ay nakasagana ay mangpakawan ken dakayo ay adi mendosa.

Ngem am-in ay menpabadang isnan APO et awnit maisalakan ay kaneg nan kinwanina en, ‘Nan tap-in di iJerusalem et awnitda mailisi isnan kaeegyat ya nan pinilik et awnitda matago.’ ”

Awnit bomolinget nan agew et awnit gomadangdang nan bowan ay kaneg basa esapay omali nan napateg ya kaeegyat ay agew nan APO.