Popular Bible Verses from Sua Tutŋana 2

Share

Pa Yooba ta ikamam lende ŋgar ambaiŋana. Sua ta iwedet pa kwoono, ta ipeyei ŋgar kiti, mi iuluulu iti be tikilaala ŋgar iŋgoi ta ambai ma ilip.

O lutuŋ, kan la sua tio ti. Re tutu tio ta boozomen kembei koroŋ ku ŋonoono, mi kiskis ma imbol la lelem. Ŋgun talŋom pa ŋgar ambaiŋana, mi ur lelem be kilaala kat ŋgar iŋgoi ta ambai ma ilip. Taŋroro Anutu be ipei ŋgar ku, mi iso u pa ŋgar iŋgoi ta ambai ma ilip. Kam kinkiini pa ŋgar ambaiŋana mi rru, kembei tomtom tikelel toono mi tirru silba mi koroŋ ndabokbokŋan pakan ta timbotmbot la toono leleene na. Naso mbot mat pa mbulu ki tomototo Yooba mi teleŋleŋ la kalŋaana. Mi nu ko ute kat Anutu.

Zin wal ta mbulu kizin iŋgeeze men na, ni iuluulu zin ma uraata kizin iurur ŋonoono. Mi zin wal ta tipa pai kizin ma ambai men na, ni iwe kembei siŋgiao pizin. Pa ni mataana pizin wal ndeeŋeŋan pa pai kizin. Zin wal ta tiurur lelen pini mi tikiskis mbulu kini na, ni imborro zin ma timbotmbot ambai.

Pa zin wal ta len uunu sa isaana som, mi mbulu kizin iŋgeeze men, ta tirao be timbotmbot pa toono ta Yooba ikam pa wal kini na. Tamen zin wal ta tipizil ndemen pini na, Yooba ko ipuru zin ma tila len pa toono kini, kembei ta tomtom tipuru ro sananŋan pa mokleene kizin. Ni ko iyembut kat zin wal sananŋan ma irao timar tigarau toono kini mini som.

Ŋgar ambaiŋana ko iuulu u be mbotmbot molo pizin moori zaala lwoono kan. Zin moori ta kembei kwon imbesmbeeze pizin tomooto bekena tiyaaru zin ma tila kizin. Pa zin moori ta kembei tipizil ndemen pa kusin bizin ta mata popoten kana i kek. Mi sua kizin mbukŋana ta tikam la Anutu mataana na, matan mbelele kek.