Popular Bible Verses from Sua Tutŋana 1

Share

Mbulu tau tomototo Yooba mi teleŋleŋ la kalŋaana, ina ŋgar ambaiŋana uunu ŋonoono. Tamen wal kankaanaŋan ta tizorzooro na, matan repilpiili ŋgar ambaiŋana mi sua pazalŋana. O lutuŋ, sombe tomom ipazalu, na leŋ la sua kini. Mi mbulu ambaiŋana ta nom ipaute u pa na, ta kembena. Zem pepe. Kiskis mi to.

Pa zin wal ta len ŋgar biibi som, mi tileŋsil sua na, mbulu kizin tana ko ipun zin ma timetmeete. Mi zin wal kankaanaŋan ta tipase pa zitun mi tindemeere sorok na, mbulu kizin tana ko ipasaana zin ma tila len. Tamen zin wal ta so tileŋleŋ la kalŋoŋ, na nio ko aŋporoukaala zin ma timbot ambai. Irao timoto na som. Pa kosa sa ko irao be ipasaana zin na som.”

Mi zin wal ta len ŋgar biibi na, zin tomini irao tileŋ la sua ti. Naso tiseeŋge ŋgar kizin. Zin wal tau ŋgar kizin ipet kek na, sua tiŋgi irao ikam peeze pizin.

Lutuŋ, sombe wal sananŋan tiwatu pa sua kizin mbuyeeneŋana be gaaba zin, na leŋ zin pepe.

Iŋgi sua tutŋana mi sua tooroŋan pakan ki Dabit lutuunu Salumo ta king kizin Israel na. Sua tiŋgi ko ipaute iti pa ŋgar ambaiŋana mi ipazal ŋgar kiti. Mi ipei ŋgar kiti pa sua ta izzwe mbulu ambaiŋana mi mbulu sananŋana na. Mi sua tiŋgi ko iuulu iti be tagabiizi itundu, mi takam mbulu kiti raama ŋgar. Naso takam mbulu ambaiŋana men ta indeeŋe pa Anutu mi tomtom matan, mi takam mbulu raraate men pizin tomtom ta boozomen. Zin wal tau len ŋgar biibi som na, sua tiŋgi ko ipei ŋgar kizin mi iso zin pa mbulu ambaiŋana tabe tikam i. Sua tiŋgi ko ipaute zin naŋgaŋ pa so ŋgar i tabe tito.

To niom ko kataŋroro yo be aŋuulu yom. Tamen nio ko aŋleŋ yom som. Mi ko kuru yo. Tamen ko karao be kendeeŋe yo na som. Pa leleyom pa ŋgar ambaiŋana ri sa som. Mi leleyom be komoto Yooba mi keleŋ la kalŋaana som.