Popular Bible Verses from IBRANI 2

Share

Uban kenat, hun iteu' Iah omok nolong irah éh teneng tenupat, uban Iah tengéé' péh lepah teneng tenupat ngan pengeketa.

Uban irah éh nateng anak Allah kelunan mu'un, inah Yésus tuai paléu kelunan pekua' irah inah ke'. Iah paléu kelunan dokoo' neu' pematai Néh Iah omok ngebéé Sitan éh pu'un penyukat bau patai.

Uban kenat uleu' tekep petem megem tong kekat ha' tebaraa' éh lepah nenéng lu' dai lu' petat jin pengelan lu'.

Adang néh tekep Yésus paléu kelunan pekua' kekat padéé' Néh dalem kekat ineu'-ineu' péh. Dokoo' Iah omok Imam éh pengeja'au kekat imam éh tigéh ngan pu'un penika. Neu' penganeu' Néh inah penyala' kelunan omok pega'.

Bang uleu' lepah na'at Yésus pu'un penyukat! Lem jaka' metok awah, Iah pu'un diva' siik jin meliket, dokoo' neu' pengasi Allah, Iah omok matai tulat kekat kelunan. Hun iteu' uleu' na'at Iah nena' pengaren ngan penyeva' uban Iah lepah keta avéé' matai.