Popular Bible Verses from IBRANI 1

Share

Pu'un éh pepoléng kekat pengaren ngan pengejian Allah uban Iah péh pekua' ngan Allah. Iah pu'un mihau kekat penyuai Néh tong tana' ngan tong langit palaa' ha' Néh éh pu'un penyukat. La'o Néh maneu' kelunan pelepu jin penyala', Iah menyun tong seruga saa' na'au' Allah Pengeja'au éh matek bau.

La'ah hun sahau, pinaa' koléé' Allah pu'un pané ngan tepun lu' jin irah nabi palaa' kuraa'-kuraa' jalan. Bang hun iteu' tovoo' tai ga' tana', inah Iah pané ngan uleu' kepéh Jin Anak Néh. La'ah Jin Anak Néh, pu'un Allah suai kekat tana' ngan langit. Allah lepah ngevéléé' Anak Néh iteu' ke' Néh pu'un penyukat bau kekat ineu'-ineu' péh tong ga' néh.

Hun néh kenat kineu' irah meliket nah? Irah Sahéé' éh ngerera' kivu sohoo' Allah. Pu'un Tuhan nyohoo' réh tai nolong irah éh tekep alaa' urip Néh.

Iteu' kepéh éh benara' Allah tong Anak Néh, Bu'un-bu'un sahau, O Tuhan, Ka'au' éh suai kekat tana', ojoo' Ko' tengéé' éh suai Langit. Tana' ngan langit nah juk béé, bang Ka'au' awah éh omok pu'un pelinguh. Kekat tana' ngan langit juk mupuk barei' livah.