Popular Bible Verses from 1 YOHANES 3

Share

O kekat anak ké', mai lu' bara' lu' pika palaa' ha' ujun lu' awah, bang jian lu' kua' pepika palaa' penika éh mu'un éh pepoléng lu' jin penganeu' lu'.

Inah jalan lu' jam kenin lu' omok pika kelunan éh jah Kristus lepah mena' urip Néh ngeliwah uleu'. Uban néh kenat uleu' tekep mena' urip lu' dokoo' pika kekat padéé' lu'.

Jian keh nesen Allah matek pika lu' mu'un, avéé' lu' nateng anak Allah, adang uleu' anak Allah, bang kelunan éh tong tana' iteu' bé' réh jam lu' anak Allah. Uban kelunan tong tana' bé' réh jam Allah.

Kelunan éh petem maneu' penyala', iah anah Sitan, uban jin bu'un sahau Sitan nah maneu' penyala'. Inah maneu' Anak Allah tuai ke' Néh kebéé kekat penganeu' Sitan.

Séé'-séé' éh paléu anak Allah, bé' éh petem maneu' penyala', uban urip Allah pu'un éh dalem néh, Allah éh Tamen néh kepéh, bé' éh omok petem maneu' penyala'.

Hun pu'un kelunan éh pu'un livah na'at padéé' néh éh kari éh tekep tenolong néh bang bé' iah keloo' nolong padéé néh inah, kineu' jalan iah omok bara' iah pu'un pika Allah.

La'ah séé'-séé' éh mihau kekat sohoo' Allah, pu'un éh petem dalem Allah, ngan Allah péh petem dalem néh. La'ah inah jalan uleu' jam Allah pu'un petem dalem uleu', uleu' jam éh neu' Sahéé' Néh éh nena' Néh ngan lu'.

Kenat péh jalan uleu' jam irah éh anak Allah ngan irah éh anak Sitan péh. Kelunan éh bé' maneu' pengeloo' Allah ngan éh bé' pika padéé' néh bé' iah anak Allah.

Uban tebaraa' éh nenéng keh jin sahau, inah éh, jian uleu' kua' pepika.

O kekat padéé' ké', mai keh béé kenin hun irah tong tana' iteu' ngeleko keh.