Popular Bible Verses from 1 YOHANES 2

Share

Mai keh murung tana' iteu' ngan murung ineu'-ineu' éh pu'un tong tana' iteu'. Hun keh murung tana' iteu' bé' keh pu'un murung Allah Tamen. Uban kekat éh jin tana' iteu', inah éh pengagat lem kenin kelunan éh penyala', éh pekelih maten kelunan, ngan kekat éh benara' kelunan pu'un jian, bé' éh tuai jin Tamen, bang jin tana' iteu' awah.

Tana' iteu' ngan kekat éh pu'un tong tana' iteu', éh kenelih kelunan bé' éh pelinguh. Bang kelunan éh maneu' pengeloo' Allah, omok murip pelinguh-linguh.

Séé' séé' éh bara' iah murip petem dalem Allah kelunan inah tekep murip kivu Pengurip Kristus.

O kekat anak ké', akeu' nyurat ngan keh dai ka'ah maneu' penyala', pu'un kelunan maneu' penyala', pu'un jah Usah éh nolong lu', inah éh Yésus Kristus éh teneng. Adang Iah omok menyat Tamen Néh pika lu'.

Hun pu'un kelunan bara', Akeu' jam Allah, bang bé' iah kivu sohoo' Néh, kelunan inah kenyo awah, ngan Allah bé' pu'un dalem kenin néh.

Telana' lu' jam Allah inah éh hun lu' kivu kekat sohoo' Néh.

Séé-séé' éh bara' iah murip lem rema, bang hun néh leko padéé' néh, kelunan inah to ke' murip dalem merem avéé' hun iteu'.

Hun néh kenat séé' éh kenyo? Séé-séé bara' Yésus bé' éh Iah éh Kristus éh pejajii' Allah, kelunan inah kenyo. Kelunan inah néh ayau Kristus, kelunan inah bé' ngelan tong Tamen kenat péh Anak Néh.

Uban hun néh bé' ngelan tong Anak Néh adang néh bé' ngelan tong Tamen Néh péh. La'ah kelunan éh alaa' Anak Néh, iah péh alaa' Tamen Néh kepéh.