Popular Bible Verses from Roma 2

Share

Ke oi papiau aumauni mainimi puo laomai apala kekapa afa openi'i kai, oi isafa ega koa i'opoga okapa aumi, oi oopolaga Deo oi emi apala afa agepenimi auga eegai agopiaukoko agekaina ma ooma? O Deo ega gafegafe epenimi epapeaimi emi laomai apala'i foumakalaini'i auga alologo ma puo, oi Deo ega gafegafe akaiki'a ipauma, ke laomai apala okapa mo ganinagai, afa aepenimi kai eafiapia mo auga lao'i mai'i oisa papa'i?

Ega puo oi papiau aga'o ega laomai afa feafia ooma aumi, oi ifomi emi laomai apala afa openimi. Oi ega'ina okapa aumi, Deo agogai iifa aga'o foifania, ifomi iimi fooge auga afaekaina. Gome oi laomai kapagai papiau ega'ina laomai apala'i ekapai'i auga afa openia kai, oi ifomi isafa isa laomai apala'i afa openia auga mo lao'i mai'i okapa'i.

Gome Deo papiau aga'omo afegai aeaulao.

Gome Deo ega iifa a'o kelogo au'i Deo maagai alo opai au'i akemia kai, Deo ega iifa kainai kepea au'i, Deo isa alo opai au'i agepamia'i.

Deo auga papiau aga'o aga'o kapa'ina kekapa auga, afa ega koa i'opoga mo agepeni'i.

Kai kaisau ifo'i mo keopolani'i, ke Deo ega iifa ko'a auga keumakalaina, ke Deo maagai laomai apala'i ipauma'i muni'iai kepea au'i, Deo ega guakupu akaiki'a ipauma akeafia.

Kai oi guami e'inoka, ke alomiai laomai apala'i alopua'afuni'i kainai, Deo ega guakupu oi ifomi faagamiai ogoa mo agelao Deo ega guakupu kina agemai, ke Isa papiau e'i laomai felo o apala auga afa ko'a mo agepeni'i kinagai kai.